Page 9 - FUND LOTTO

Diahuebs 28 December 2017 DEPORTE
A20

Grand Master Chaco Cornelio ta bisa ayo como referee

ORANJESTAD - Recientemente Grand Master Chaco Cornelio a retira como ref-
eree di World Taekwondo Federation, segun e relato cu nos a haya.

Grand Master Cornelio ta miho conoci como e referee di Aruba. Ora cu nan ta papia di Aruba
semper nan ta papia di Grand Master Chaco Cornelio na eventonan internacional. Unda cu
bo bay y bisa cu bo ta di Aruba, mesora nan ta bisa Chaco, segun e relato.

Grand Master Cornelio a cuminsa cu su carera trinta y pico aña pasa. E tempo ey el a cuminsa
cu su prome training y nunca a spera di yega asina leu den Taekwondo. Tres siman pasa sr.
Cornelio a entrega su retiro na di World Taekwondo Federation como referee internacional.

Grand Master Cornelio a wordo yama pa sigui cu sanacion di hende
cu ta sufri di cualkier lesion of problema mental y ta haci esaki na un forma
natural, sin remedi of cualkier otro cosnan. Na Babijn e tin dos piramida y energia positivo
ta wordo uza pa cura hende. Sr. Cornelio a bisa cu esaki ta algo cu e mes nunca a pensa di haci,
pero durante di e añanan el a cuminsa haya e yamada pa haci tal y asina cos a cuminsa.

Sr. Cornelio a logra masha hopi mes durante di su carera manera; Ridder in de Orde van
Oranje Nassau, Hall of Fame, Referee Olimpico. Tambe el a wordo
nombra como e miho referee na mundo y 7 Dan den Taekwondo, y tambe a pasa mas cu 200
hende pa nan faha preto den Taekwondo. Na Noord a funda Taekwondo Center y asina por
sigui menciona hopi cosnan mas cu Grand Master Cornelio a logra den Taekwondo.

Nigel Calmes ta firma cu Tampa Bay Rays

ORANJESTAD - Ayera (27 di december) e hoben pelotero di Aruba,
Nigel Calmes a firma cu Tampa Bay Rays Organization. E team
profesional di Baseball tin su base na St. Petersburg, Florida. Nigel a
hunga basta aña pa Aruba Giants. Esaki segun e fuente Baseball Aruba.