Page 88 - MIN TTC 13 APRIL 2016

Harold Kelly, riba invitacion di lider di e proyecto ‘Nexus 1492’, esta prof. Dr. Corinne Hofman. Dr. Hofman
hunto cu Dr. Andrzej Antczak (Venezuela) a organisa un sesion titula ‘New insights into the Archaic Age of
the Circum-Caribean’.
E presentacion di drs. Kelly tabata titula ‘New insights into the Archaic Age Migration and Settlement on
Aruba’ den cual a presenta informacion existente relaciona cu e periodo aki como introduccion, pa continua
cu informacion nobo cual a ser obteni como resultado di e acuerdo di cooperacion cu MANA tin cu
Universidad di Leiden y ‘NEXUS”. E informacion presenta durante e session ta mustra cu e proceso di
colonisacion, adaptacion y interaccion den Caribe insular den e periodo prome cu e gruponan ceramico a
establece nan mes riba Aruba y e islanan di Caribe, ta uno hopi mas dinamico y interconecta cu tabata ser
pensa anteriormente.
E informacion nobo aki a bin door di estudionan cu tecnologia avansa combina cu un relacion mas estrecho
di cooperacion y investigacion entre partidonan envolvi. E ‘partnership’ nan akino solamente a hisa e nivel di
investgacion, pero tambe a trece tur e partidonan envolvi pa coopera, na forma un teoria unifica pa e periodo
aki den e Caribe insular. E esfuerzonan aki lo keda formaliza y presenta door di un publicacion di ‘Alabama
University Press’ na cua Aruba tambe lo duna su contribucion.
Aparte di a forma parti di e team di ‘NEXUS’ na e conferencia y contribui na e simposio, drs. Kelly tambe
tabata tin e oportunidad pa papia cu diferente specialista cu ta hasi investigacion den Caribe. El a logra haya
informacion valioso y tambe a papia di e posibilidad di cooperacion pa e avanse di investigacion di no
solamente e periodo Archaico pero tambe e parti di dibuho riba baranca aki na Aruba.
E participacion di arqueologo Harold Kelly na e conferencia aki tabata posibel danki na e compromiso cu e
proyecto “NEXUS 1492’ tin cu MANA, desde cu Gobierno di Aruba pa medio di Minister di Cultura, a firma
un MOU di colaboracion cu e proyecto na November 2014. MANA na su turno lo continua hasi tur esfuerzo
pa cumpli y desroya e ‘partnership’ cu e proyecto di ‘NEXUS’.

Multiculturalidad y Sostenibilidad ta temanan cu
studiantenan di IPA a atende durante nan Pasantia Mudial

Tuesday, 12 April 2016 08:32
Comparti