Page 2 - AM230123
P. 2
2 LOCAL AWEMainta Dialuna, 23 Januari 2023
Prome Minister
Asfalta caminda di Santa Cruz
ta decision di DOW
iman pasa durante e reunion cu a tuma luga den Parlamento riba presupuesto
S 2023 di DOW, oposicion a cuestiona e decision pa asfalta un pida grandi di camin-
da di Santa Cruz. Den contesta di preguntanan, Prome Minister, kende ta encarga
cu e departamento aki, a bisa cu esey no tabata un decision di su persona sino
di e departamento.
A dicidi cu den 2023 lo bay recap 3.6km di careteranan aki na Aruba y cual lo
bay costa rond di 2 miyon florin. Inicialmente a calcula esaki na 1.7 miyon
florin, mas sinembargo cu aumento di prijsnan esaki a bira 2 miyon florin.
E critica a bini ora cu a scucha cu lo bay asfalta un parti di e caminda
grandi di Santa Cruz, cuminsando for di banda di sede di MEP te na e
supermercado na banda di Centro di Husticia. El a bisa cu bou di gober-
nacion di AVP Santa Cruz a wordo completamente neglisha. “Desde
2018 e caminda na Santa Cruz a haya prioridad. Santa Cruz ta un
di e partinan na Aruba cu durante Gabinete Mike Eman no a haya
ni un crenchi di asfalt ningun caminda. Ora cu nos a drenta
Gobierno, mayoria peticionnan tabata bini di eynan. Nos
a bisa cu bay reparti riba tur districto. Esey ta nifica cu
Santa Cruz a keda un tiki mas atras.”
Como cu e caminda di Kibaima pa Tanki Flip ta un di
esnan mas grandi y uza na Aruba, na 2018 a dicidi pa
cuminsa cu e recap, iniciando for di banda e rotonde di
Santa Cruz te na sede di MEP. Awo cinco aña despues
ta sigui cu e resto for di sede di MEP te na e crusada
di Drive In. Unda ta bay recap ta “decisionnan cu
ta wordo tuma puramento den e departamento. Mi
ta aki pa defende e maneho di e departamento y
esaki ta un di e camindanan cu mester di aten-
cion.”
E ta haya cu careteranan di Aruba ta den estado
hopi deplorabel pa hopi aña caba. P’esey a pidi DOW
pa traha un masterplan pa mira con ta bay drecha tur e
camindanan y cuanto tempo e lo dura.
Permiso construccion
Tambe e mandatario a papia riba peticionnan pa construc-
cion, durante contestacion di pregunta. Na 2021 a saca 815
bouwvergunning y aña pasa 900 bouwvergunning. Pero
tambe el a bisa cu tin hopi peticion pa pasa den e procedura
y na mesun momento a splica cu hopi di e peticionnan aki
no ta pasa den e standardnan di calidad. Esaki ta causa
tardansa y rechasa esnan cu no ta cumpli.
