Page 9 - AM230123

Dialuna, 23 Januari 2023 AWEMainta LOCAL 9

Minister Dangui Oduber

Trabaonan di proyecto baby beach ta avansando

ur esnan cu a bishita nos playanan
T den Seroe Colorado por a tuma nota
di e cambio nan na caminda. Minister di

Turismo y Salud Publico sr. Dangui Oduber
ta comparti cu e trabaonan di proyecto di
Baby Beach ta avansando. Tur esaki ta par-
ti di henter MasterPlan cu tin pa e area di

Seroe Colorado. E proyecto aki ta bay el-
eva henter e area rond di e playanan aki
teniendo na cuenta e importancia di con-
serva nos naturalesa, creando asina un de-

saroyo di embeyecemento di e area na un
manera sostenibel.

Den e ilustracionnan por mira e avancenan

di Fase 2 di e proyecto di Baby Beach cu ta
den pleno ehecucion. Den e fase aki entre
otro ta construyendo un area di parkeer
completamente nobo, iluminacion nobo

y un rotonde nobo, cual tambe ta parti di
e plan aki. Ta bay tin bañonan publico pa
tur bishitante, lo pone tambe dos kiosco
caminda hende por bay cumpra cuminda

y/of bebida. E meta ta pa e kiosco nan aki
refleha e cultura Arubano y bende cuminda
nan cu ta tipico den e area di Caribe.

Pronto y dentro di e prome kwartaal di aña
2023 gobierno lo cuminsa cu e destaho
publico pa asina cuminsa cu Fase 3 di
e proyecto. Den e fase aki lo renoba e 2

tennis court, tambe lo traha riba un court
multifunctional cu por wordo uza pa beach
tennis, beach volley y beach soccer. E
gazebo memey di e tennis courtnan lo bira

un restaurant y lo renoba e trapi banda
di esaki tambe uzando arte di mosaico.
Tambe ta bay hala e turtle wall mas atras,
yena e area cu santo blanco pa asina haci

e beach mas grandi.

Turismo ta e driver di nos economia y
p’esey su desaroyo ta keda un prioridad.

Pronto San Nicolas tambe ta bay haya su
fair share den e desaroyo di nos pais ora
e bunita proyecto aki finalisa. Minister
Oduber ta sigui percura pa proyectonan

wordo ehecuta cu lo duna un balor agrega
na producto Aruba.