Page 8 - HOH 24 March'15

Comparti

Siman pasa Minister di Salubridad Alex Schwengle a reuni cu hospital riba e tema di sala di
operacion, principalmente salanan nobo cu no a wordo inclui den e diseñonan pa un ala nobo
di hospital. Esaki no a sosode pa motibo cu no ta mucho aña atras cu e salanan di operacion a
wordo renoba.
Un gran parti di e reunion a keda concentra riba ki forma y unda e sala di operacion di hospital
mester bini. Pero tambe con ta bay funciona mientras cu ta construyendo e sala di operacion
nobo. Un grupo basta grandi a participa den e reunion aki – gerencia di hospital, Hunta di
Maneho, Hunta di Supervision, Team di Construccion, Team di Sala di Operacion, ABV, SOGA,
Gobierno y diferente NGO’s – y na final a logra un union di con ta bay atende cu e tema aki.
“Nos a yega na un acuerdo na unda e OK lo wordo construi y di ki forma. E siman aki nos lo
firma un MOU, unda tur partido lo firma. Nos no tin un cifra fiho di kico e lo bay costa, pero e
lo no ta barata.”
E mandatario a enfatisa cu e MOU ta simplemente un formalidad y mientrastanto e
companianan Bermello y Arellano ta bay implementa e schets di OK (operatie kamer) den e
mapanan y calcula cuanto esaki lo costa. Na momento cu e Minister tin e suma cu mester hinca
den construccion di e OK, e mester presenta esaki na Parlamento. Aunke pa Ley e Minister no
mester bay Parlamento cu e asunto aki, e;l a dicidi cu e lo no falta respet na e organo aki y lo
presenta na nan e suma di inversion cu e construccion adicional aki ta exigi. Principalmente
pasobra tin diferente opcion con ta bay financia e inversion aki y kier presenta esaki na
Parlamento. “Mi ta spera cu e no ta mas cu 10 miyon dollar, pero mi no por bisa esaki fiho. E
biaha aki nos a tene bon cuenta cu e calidad Hulandes, a tene cuenta cu e necesidad di e
trahadonan y e hecho cu mester a haci un ampliacion di e sala original. Nos lo bringa duro cu
Arellano y Bermello pa wanta e prijs mas abou posibel.”
E companianan menciona a cuminsa riba e plan caba y denter di algun ta spera cu tin un
concepto cu mester wordo aproba door di e stakeholdernan. E idea ta pa juni / juli cuminsa
riba e plan di OK. E sala di operacion nobo ta bay wordo construi riba e prome piso, entre e
edificio nobo y esun bieu. Pero tambe mester traha riba e sala di operacion bieu, cual lo mester
wordo adapta pa garantisa siguridad minimo pa pashent y trahadonan. E renobacion di 2008
no tabata completo, den escala grandi. “Tur hende mester compronde si cu ta na e nivel aki nos
mester bay, nos no tey ainda, pero nos tin un plan cu lo wordo ehecuta gradualmente den dos
aña y nos lo yega na e nivel cu nos kier sigur.”
TNO a haci su dos investigacionnan caba, fisico y calidad di aire, y cual tabatin hopi critica. A
base di esaki a mehora algun aspecto di e calidad di aire, pero falta mas adaptacion cu tin na
caminda.
Di otro banda, e Minister a bisa cu e ta cumpliendo cu un peticion di Parlamento, pa investiga
di con OK no a wordo inclui den e plan inicio di e Masterplan. E analisis ta andando, y no tin
resultado ainda. “Nos ta poniendo presion riba hospital pa duna un documento mas lihe
posibel. Ora cu tin esaki pa apunta kende ta responsabel, nos lo bay Parlamento bek cu e