Page 7 - AVB March 9,2016

Rini Coolen lo entrena seleccion di

Aruba pa Caribbean Cup

Posted on 03/8/2016 6:08 pm AST | Updated on 03/8/2016 7:00 pm AST

ORANJESTAD - Pa medio di bon cooperacion y un “memorandum of
understanding” firma entre Arubaanse Voetbalbond (AVB) y PEC Zwolle, un
biaha mas e asociacion di futbol di Aruba a logra haya Rini Coolen como
“bondscoach” pa train e seleccion di Aruba cu ta participa na e “Caribbean
Cup” na luna di maart. E bondscoach a yega Aruba dialuna y e mesun anochi
caba a reuni cu e seleccion di Aruba pa un prome training.

ENTRENAMENTO

“Lo tin cuater training despues cu e hungadonan cumpli cu e weganan di e campeonato local actual”, asina Rini Coolen a
bisa. E hungadonan di Hulanda lo yega den transcurso di e siguiente simannan y lo tin un training cu tur hungado hunto. E
seleccion lo hunga dos wega di Caribbean Cup. E prome ta tuma luga na Antigua riba dia 22 of dia 23 di maart, Richard
Dijkhoff, Presidente di AVB a bisa. El a splica cu a ricibi dos diferente fecha y ta wardando pa e decision final di parti di
organisadonan di Caribbean Cup encuanto di e esaki. E di dos wega, cual ta versus e ekipo di St. Kitts y e wega ey lo tuma
luga na Aruba riba dia 26 di maart 2016. Ta bon pa bisa acerca cu e campeon di Caribbean Cup lo hunga den e “Gold Cup”
otro aña na Merca. Richard Dijkhoff a comenta cu lo tin diferente anuncio cu informacion di e hungadonan pa cu e wega
na Aruba pa sigura cu stadion ta yen atrobe cu fanaticonan pa apoya Team Aruba.

COOLEN TIN EXPERIENCIA CU ARUBA CABA

Rini Coolen tabata na Aruba na september ultimo y e conoce mayoria di e hungadonan di e seleccion di Aruba caba. El a
traha tambe un pre-seleccion di hungadonan cu ta biba na Hulanda y den transcurso di e proximo simannan lo anuncia