Page 23 - UTILITIES

Riba peticion di Departamento di Salud Publico recientemente tabata na Aruba sr.

Leandro Sandoval cu ta ingeniero civil trahando como consultor di Centro Panamericano

di Ingenieria Sanitaria y Ciencia Ambiental (CEPIS) pa e region America Latina y Caribe

riba tereno di

Maneho di Desperdicio Solido.

Su bishita tabata di 3 dia na unda Departamentonan manera Directie Natuur en Milieu,

Dienst Openbare Werken, Directie Volksgezondheid conhuntamente cu instancianan

manera Serlimar, Sui Generis y Water- en Energiebedrijf (WEB) Aruba N.V. a bishita

diferente localidadnan na Aruba unda desperdicio ta wordo genera y deposita. Sr

Sandoval a wordo invita cu e meta pa traha hunto cu e werkgroep afvalverwerking cu a

wordo instala pa Minister di Desaroyo Teritorial, Infrastructura y Medio Ambiente y

Minister di Turismo, Salud y Deporte pa traha riba un plan di maneho sostenibel y

duradero pa Aruba su desperdicio.

Durante su bishita sr Sandoval a reuni cu Ministernan sr. Otmar Oduber y sr.

Danguillaume Oduber y a tene reunionnan cu representantenan di EcoGas N.V., Instituto

Medico San Nicolas (IMSAN) y dr. Horacio Oduber Hospital. Tambe a bishita entre otro

localidadnan manera e dump na Parkietenbos y na Sero Teishi y e
Rioolwaterzuiveringsinstallatie na Zeewijk y WEB Aruba N.V. pa di e manera aki e

profesional di PAHO por tin un miho bista di e situacion actual na Aruba riba maneho di

desperdicio y con pa mehora esaki.