Page 9 - DESPA 4 DEC 2015
P. 9
36 AWEMainta Diabierna, 4 December 2015
Prevencion ta cuminsa “na cas” DR. Horacio E. Oduber Hospital,
Hospital ta provee ta ofrece cada pasa un aña tur nan
chekeo di salud pa empleado un chekeo di salud gratis
su empleadonan na pia di trabao. E actividad aki
ta wordo organisa p’e comision di
“healthcheck” y ta tuma lugar n’e
Departamento di Revalidatie.
Principalmente ta enfoca riba con-
scientisacion pa cu e importancia di
haci regularmente testnan di salud
basico.
N’e ocasion aki, dietista y miembro
di comision “healthcheck”, Geral-
dine Jean-Baptiste ta splica cu a
ofrece test di sucu, di presion, di
colesterol y di condicion.
A check tambe peso y a midi e lar-
gura di cada persona y a base di
esaki ta yega na un BMI (body mass
index) y tambe a midi taille.
Asina por a duna conseho tocante
con pa yega y mantene un peso
saludabel. Adicionalmente e di-
etistanan di hospital tabata pre-
sente pa duna informacion tocante
comemento saludabel, y Optica
Leslie a ofrece tambe “oogmet-
ing” y a check e presion di wowo .
Tin algun empleado cu a presenta
cu nan carchi cu e resultadonan di
2013 p’asina por compara con nan
salud tabata y ta awor, pa nan haya
confirmacion si nan estado di salud
ta mescos, mihor of pio. Esaki ta di
elogia, mirando cu tin empleado nan
ta tuma nan resultadonan na serio.
Den e caso cu a ripara cu un colega
su resultado no ta mucho bon of
satisfactorio, ta yama e asistencia
aden di un dokter y si mester, por
ehempel, ta haci un test di funcio-
namente di curason, esta un ECG.
Esaki ta simplemente un di e forma
con empleadonan di hospital ta
yuda otro y ta pusha otro pa haci nan
chekeo di salud y tambe pa nan man-
tene un estilo di bida mas saludabel.
Despues di completa e ciclo di test,
cada colega a wordo invita pa pasa
busca un snack saludabel, incluy-
endo awa y fruta.
Un danki ta bay n’e comision di
“healthcheck”, Aruba Heart Founda-
tion y tambe Optica Leslie pa a haci
e chekeo di salud aki un biaha mas
exitoso.
