Page 21 - min.on sept 1,2015
P. 21
AWEMainta Diamars, 1 September 2015 35
Encurashando nos studiantenan p’un
aña escolar exitoso
Filomena College
mavo a tene su
prome actividad
pa su alumonan
UN di e prome actividadnan cu e alumnonan di Filomena
College Mavo semper ta ansioso pa participa na dje, t’e famoso
‘kennismakingsdag’, unda cu e alumnonan di examen klas ta fungi
como lider den e actividad, bou guia di algun docente.
E mainta ta cuminsa unda cu cada alumno ta bay den diferente
grupo, p’asina por conoce e otro alumnonan tambe di e otro
klasnan. Bou guia di 2 of 3 alumno di klas 4, nan ta sali segun
un mapa cu nan ta haya y asina nan ta completa e speurtocht. Di
e forma aki nan ta haya algun informacion y/of historia di San
Nicolas.
A pesar di e tremendo calor cu tabata haci, toch e alumnonan
a haci nan maximo esfuerso pa demostra nan entusiasmo y
inteligencia, door di contesta e preguntanan y tambe ehecuta
e tareanan na diferente parti. Finalmente ora nan a yega scol
bek, nan a disfruta di un dushi pan cu hotdog y iced tea, p’asina
combersa y intercambia di e actividad.
