Page 86 - KPA 5 OCT 2015
P. 86
Homber varios dia morto den cura di cas haya diasabra
Publication: Monday, 5 October 2015. Categoria: Policial
ORANJESTAD(AAN)– Diasabra mainta mas o
menos 10 or polis a bay na Jarmanstraat na San Nicolas unda tabata tin holo di “cadaver”.
Aki bisiñanan a bisa cu mas o menos un siman nan no a mira e bisiña y cu for di e cas tabata tin
un holo desagradabel. Polis a subi tereno y patras di cas a haya e cadaver di e homber.
Mas o menos 10 or y mey docter M. de Cuba a constata morto di e homber Lau.W.K. di 81 aña
di edad. Docter no por a constata causa di Morto.
Recherche San Nicolas y Recherche tecnico forensico a yega na e lugar pa haci investigacion.
Fiscal Schmidt a yega na e lugar, tambe yiu homber di e difunto y slachtofferhulp.
Despues di investigacion e cadaver a wordo duna na famia y Ad Padres cu a yega na e lugar a
bay cu e cadaver di Wan Lau, naci na China dia 14 di Januari 1934
http://www.diario.aw/2015/10/homber-varios-dia-morto-den-cura-di-cas-haya-diasabra/
