Page 4 - AM200704

4 AWEMainta Diasabra, 4 Juli 2020

Relaciona cu e co-piloto afecta pa Covid

Momento di a trece e avion bek, el a bin sin pasahero

Asina mes, Aruba Airlines a tuma tur precaucion necesario

Aruba Airlines na luna di juni, durante un proceso di
mantención rutinario, a haña su mes confronta cu un
incidente unda e avión CRJ a worde accidenta y geren-

cia a tuma e decision inmediato di manda repara esaki

na Jacksonville.
E avion a keda cla y dia 1 di juli Aruba Airlines a re-
inicia su buelonan pa Corsou, pa cual motibo a sali cu

un delay, mirando cu e avion a yega e mainta ey mes

for di Merca un poco mas laat cu anticipa.

Un di e tripulante, den e caso aki e co-piloto cu a trece

e avion bek for di Jacksonville, a test positivo pa cu

Covid-19 y di inmediato Aruba Airlines a tuma tur e
pasonan necesario pa sigura e salud di tur su emplead-
onan, desinfectando e mesun dia tur e edificionan y

propio avión segun protocolnan.

E avion ora a bin for di Jacksonville, no tabata tin
pasahero. Unabez cu a constata e caso positivo aki, e
persona en cuestión a wordo isola y tur protocol fiha pa

DVG a worde sigi.

Danki Dios e colega ta den bon condicion di salud y n’e
momentonan aki ta na hospital pa observacion.

Aruba Airlines ta sigura tur su pasaheronan cu pro-

tocolnan di seguridad y salubridad ta wordo sigi es-
trictamente p’asina por garantiza e bienestar di tur su
empleadonan y su pasaheronan. Buelonan programa

entre Aruba y Corsou ta continúa manera e itinerario

normal riba diadomingo, dialuna, diaranson y diabi-
erna.
Gerencia y personal di Aruba Airlines kier a desea e

colega tur clase di exito y un pronto recuperacion.