Page 9 - Minister Mike de Meza

Diarazon 6 Januari 2016 Pagina 23

Chens ta grandi cu homber kima na Franse
Pas ta Alex Rojas Paz

Tin un chens hopi grandi cu e homber haya kima na
Franse Pas ta trata di e latino Alex Rojas Paz. Segun
informacion cu nos redaccion a haya ta bisa cu Alex
Rojas lo a sali for di cas 11.30 anochi, dia 30 December,
pa e “bay y bolbe”, pero nunca mas a bolbe.

Pa loke ta trata e number di auto, tin chens grandi cu
number di auto ta riba su propio nomber. Polis a confirma
cu e number ta riba nomber di un Latino.

Ademas nos a bin compronde cu e auto Celta, apenas,
pues muy recien a wordo cumpra for di un otro persona.

Alex a coy su plachi di number y pone riba e Celta.

Asabiendo tur esaki, nos por conclui pa 90% cu e
homber kima den e Celta ta Alex Rojas, kende porcierto
tin masha hopi aña na Aruba y tin famia tambe na Aruba.

E scenario por bolter, si encaso cu Alex Rojas lo por a
comete e crimen aki y despues huy bay sconde of baha
na awa y bay por ehempel Colombia.

Esaki tampoco por wordo descarta! Pesey mes, mester
keda pendiente di resultadonan forensico, pa asina por
realmente confirma pa 100% cu e curpa ta di Alex Rojas.

Alex Rojas ta bono conoci na Aruba, ta un persona hopi
keto y ta futbolista cu a hunga pa diferente club. Ban
spera cu mas pronto posibel lo por haya aclaracion si e
curpa kima, ta di Rojas Paz.

Accidente na rotonde
Tanki Leendert

un chauffeur no a regula su velocidad
ni a mantene distancia a bay dal tras
di pick-up

Dialuna mainta a drenta informe
di un accidente na e rotonde Tanki
Leendert. Mesora a dirigi un patruya
pa e sitio. Na yegada di e patruya a
bin compronde cu aki ta trata di un
accidente unda cu un chauffeur no a
regula su velocidad y ni a mantene
distancia a bay dal tras di e pick-up
su dilanti. Afortunadamente ningun
hende a resulta herida.