Page 46 - MIN ARENDS

dos parti. E prome parti ta un concesion di 7.2 miyon florin cu ta paga cada 10
aña y riba esey tin cada aña tin e sumanan periodico cu tin cu paga.
Obviamente Mio tin 8 aña na Aruba, pero e Venootschap cual e doñonan di Mio

a adkiri, cual ta un compania cu tabata existi for di 2003, a cumpli parcialmente
cu nan debe, a cumpra un empresa cu ya tabata tin dos of ta tres aña di

concesion bieu, cu a caduca na 2014, cu tabata falta pa paga y a falta pa paga
tambe e concesion nobo cu a inicia na 2014, tabata falta e suma di 7.2 miyon,

como tambe e sumanan periodico pa e añanan 2014, 2015, 2016 y 2017. Esey
den total ta yega na un suma di 15 miyon.

Arends a purba di yega na un comprondemento e tempo ey, su obhecionnan.
Obviamente tabata tin casonan den corte tambe y di es manera mester a warda
tambe pa e casonan den corte finalisa y den e casonan mes pais Aruba semper

a haya rason di hues y p’esey por a inicia e proceso di desconexion di e netwerk
mobil.

E proceso loke cu Gobierno a haci te awor aki, Gobierno a kita e licencia di e
entidad cu ta e NV cu ta e compania. E compania ta existente. E compania no ta

bancarota. E NV, bao cual Mio tabata opera ta keda existi. Ta keda cu tur su
obligacionnan pa e trahadonan, obligacionnan pa cu Land Aruba, tur su

obligacionnan pa hendenan cu por ta debe. Esey ta keda existente. Gobierno di
Aruba no a nacionalisa e entidad. Gobierno di Aruba a djis kita e licencia. Awor
aki como cu tin un vordering di Gobierno di Aruba pa e entidad aki, Gobierno di

Aruba tambe ta bay cuminsa cu e proceso legal pa por haya e 15 miyon di
florin, sea ta di e empresa mes cu ta estableci na Aruba, of e shareholdernan na

Merca.
Awor aki Mio no tin licencia. Cualkier empresa cu kier haci uzo of exploita e

netwerk mobil aki na Aruba, mester haci un aplicacion nobo pa haci uzo di esey.
A base di un estudio cu a wordo haci na 2003, tempo cu a liberalisa e mercado

di telecomunicacion unda cu a conoce banda di Setar, cu tabata e compania
Nacional, companianan manera Digicel y Mio, e tempo ey e estudionan ey a
indica cu tres provider lo ta apto pa e mercado di Mercado di Aruba. Mirando

mas cu 10 aña despues, a encarga departamento di telecomunicacion pa busca
expertonan pa cuminsa haci estudionan pa wak si berdad e mercado local por

cu tres provider. Si wak bon, Mio su servicionan tabata hopi bon beneficio, cu