Page 20 - FUNDACION LOTTO

Diasabra 2 December 2017 DEPORTE
A18

Prome ABBA Baseball Week den historia na Aruba

ORANJESTAD - E federacion di baseball ABBA a inaugura e prome baseball week
den historia di Aruba. Esaki a tuma luga den e ballroom di Holiday Inn Hotel, segun
e relato cu nos a ricibi.

E inauguracion a conta cu presencia di Su Excelencia Gobernador, Alfonso Boekhoudt, Presi-
dente di Parlamento, Ady Thijsen, Minister di Deporte, Dangui Oduber, Parlamentarionan
Alan Howell y Endy Croes, otro diferente dignitario y invitadonan den nos baseball local y
internacional.

Mester bisa cu for di exterior bini algun persona masha conoci den mundo di baseball na Mer-
ca principalmente den Mayor League Baseball, esta Wilson Ramos y Octavio Dotel. Tambe
e anochi aki a conta cu Donation di Oriole Charitable Foundation cu e anochi aki a oficialisa
nan donacion pa Aruba cu ta un container di 30 pia, yen baseball material pa organisacionnan
di baseball di Aruba.

Tambe Peter Caliendo di Caliendo Sports, Ron Wolforth y Larry Young lo ta dunando clinica
na Coaches y Umpirenan. Larry Young ta Umpire Supervisor di MLB. RonWolforth y Peter
Caliendo ta personanan renombra den mundo di Baseball internacional pa na cursonan.

Presidente di Amateur Baseball Bond Aruba, Sherwin Howell tabata masha contento y or-
guyoso di un plan cu tin mas cu un aña den preparacion y cu awe a bira un realidad.

ABBA a duna reconocemento na Stichting Subsidie Aruba, Fundacion Lotto pa Deporte y
Orioles Charitable Foundation pa a contribui cu baseball di Aruba e aña aki.

Na Nadi Croes/Crismo Angela lo bay tin e players clinic awe, diasabra, den presencia di Wil-
son Ramos, Octavio Dotel. E clinica pa e coaches & Umpires lo sigui indoor na Centro di
Bario Piedra Plat
Diadomingo e clinica pa Coaches & Umpires lo termina riba veld na Nadi Croes / Crismo
Angela.