Page 16 - ARUBA AIRLINES

E beleidsteam ta consisti di varios ministerio y departamentonan cu ta bin hunto na momentonan asina. Durante e
ultimo añanan por a saca un les importante cu a presenta cu tempo y esey ta algun di e efectonan negativo pa nos
comunidad wordo evita, na momento cu nos comunidad ta mas informa.

Esey ta trece cierto situacionnan caminda cu tin cu haci evaluacion di cuanto bo ta duna nos comunidad di
precaucion pa prepara pa un situacion cu por ta no ta resulta mesun pisa cu bo por kier pa hendenan ta prepara si
pe, pero tin biaha ta miho prepara, cu menos prepara.
Segun Prome Minister Mike Eman, durante un conferencia di prensa extra ordinario cu a wordo yama di parti di
Gobierno, durante di awasero di algun luna pasa, cu a tuma Aruba di sorpresa, pasobra no ta un sistema cu a bin ta
anticipa manera cu por a mira cu esaki ta forma y por haci calculacionnan na momento cu e yega, su efecto y
fortalesa. Pero tin biaha tin sistemanan cu ta forma rapido manera esun cu a sosode algun luna pasa. Loke cu a keda
hopi bisti, na momento cu a bay duna e asistencia di emergencia den e barionan na Pos Chikito, Zeewijk, Palm Beach
y Madiki, ta cu hopi cas ta haya nan mes confronta inundacion den oranan di marduga y pa e motibo ey nan no por a
tuma precaucion, nan no tabata tin informacion tampoco pa por a lanta cierto cosnan di balor di e cas na cierto
haltura, cu experiencia a mustra nan cu ta duna nan e posibilidad pa salba cosnan balioso den cas.
A repasa algun di e aspectonan aki. A recorda hopi mueble cu a mira, cu si e ciudadanonan haya e oportunidad pa
subinan na cierto nivel, nan por a keda scapa. Danki Dios na un esfuerso cu a haci hunto cu Rode Kruis y Asuntonan
Social por a yuda hopi famia na Aruba, reemplasa loke nan a perde e tempo ey. Loke no por reemplasa nunca ta
papelnan di balor pa famia, documentonan oficial cu a keda distrui, pero tambe albumnan di potret di famia cu
tabata net na e nivel cu awa a afecta nan y a haci daño ireparabel na nan. E experiencianan ey ta miho pa ta prepara y
tin informacion eyfo pa comunidad, semper cu e risico cu por haya e critica, cu por ta a anticipa y a pone demasiado
precaucion, pero ta prefera pa ta mas cauteloso cu menos cauteloso na un momento asina.
Na e momentonan aki e ta mustra di ta un tempo cu lo tin yobida, lo tin biento, lo tin ola. E lo pasa na parti Noord di
Aruba. E no ta pronostica di ta un tempo hopi pisa, pero e por cambia. Y pa e motibo ey ta pidi comunidad pa keda
den sintonia di tur e canalnan di informacion.
Durante e dia y simannan cu a pasa DOW tabata activo cu limpiesa di rooi. Riolering ta haci frecuentemente, pero ta
haci specialmente e ultimo 24 pa 48 ora prome cu un tempo ta pronostica pa yega, pa asina ta sigur cu e tapanan ta
sigur y por core. Mescos ta conta pa e duikernan tambe. E trabaonan ey tambe a wordo haci y ta wordo haci na e
momentonan cu e informacion ta wordo suministra.
Bandweer, polis, sociale zaken, departamento di salubridad ta prepara hunto cu Rampenbureau pa por duna tur
asistencia necesario. Pompnan ta na nan luga, heavy equipmentnan lo pone na unda mester ta si en caso si mester di
nan.
Indicacion ta cu e no lo ta mucho pisa pero toch ta pidi comunidad pa ta den sintonia, pa na e momento corecto pa
lanta cosnan den cas si ta necesario den e areanan cu ta conoci, cu tin aumento di awa. Tene cuenta tambe cu un
aspecto cu a haya hopi biaha cu a bishita casnan den inundacion toch disputa entre bisiñanan cu no kier permiti
buraco den muraya pa awa sigui core toch temanan importante den bon coordinacion cu e bisiña pa tin'e regla na e
momento pa yuda otro den e situacionnan asina.
Awor aki tin henter e aparato cu ta responde na momentonan di emergencia, den total preparacion pa loke cu bin,
aunke cu indicacionnan ta cu e lo ta totalmente manehabel pa nos infrastructura y ta keda tempo a haya mas cu un
ocasion cu tin desaroyonan cu ta bin cu ta cambia. E miho preocaucion cu comunidad por tuma ta keda sintonisa
canalnan oficial di informacion pa si mester step up y tuma mas paso pa bo mes dentro di famia, tin cosnan poni na
un nivel cu nan no por wordo afecta. Tur esey por yuda, hunto cu e asistencia cu ta prepara pa duna.