Page 25 - ROBERT CANDELARIA

y deshaci na gusto durante e añanan cu nan ta sinta, sin cu Parlamento di Aruba ta
ranca nan horea. Partidonan tradicional ta prefera di tin tur e poder aki, pues
naturalmente nan no lo desea pa ningun partido “chikito”, nobo, fastioso cu ta trece e
bos di rasonamento y integridad den nan centro, daña e fiesta. Nos, como RAIZ cu t’ey

pa sirbi como e bos di nos pueblo, mester corda cu “power corrupts, but absolute power
corrupts absolutely.” (poder ta corumpi, pero poder absoluto ta corumpi
absolutamente).

Como lider hoben di nos movimiento RAIZ, mi kier a haci un apelacion na e pueblo di
Aruba den su totalidad, cu si dia 22 di September 2017, Aruba kier un diferencia di
berdad, votando pa e mesun partido y sistema tradicional, lo mantene nos isla den e
mesun circulo vicioso cu nos a crea ataravez di vota pa tradicion.

RAIZ no ta priminti shelo y tera, no ta tapa wowo di pueblo cu storianan bunita pa haya
voto, nos kier simplemente habri wowo di tur nos habitantenan pa nos propio yiunan di
tera compronde ken nan ta y kico nan tin pa gana, prome cu nan perde e chens aki pa

e proximo añanan cu ta bin. Spierta Aruba, lanta ariba y para pa bo derechonan como
ciudadano di e pais aki, cu mester di lidernan competente, cu vision y ideanan nobo, sin
interes den nan propio beneficio. E unico bandera di RAIZ ta esun di Aruba, esey nos
kier carga… nos hendenan.

Pa nos recobra e Aruba cu nos tur kier biba riba dje, ta bira realidad ora nos como
pueblo dicidi pa haci algo totalmente diferente. Ora nos vota – no pa famia, no pa color,
no paso un partido a paga nos cuentanan di awa y coriente… – pa bienestar di cada

persona cu ta forma parti di nos dushi pais Aruba.

Dia 22 September nos ta invita bo pa bin Sembra Futuro hunto cu nos. Ban planta nos
simianan den bon tera, Aruba.

http://www.diario.aw/2017/09/partido-raiz-analisando-e-ultimo-16-ana-di-
gobernacion/