Page 43 - FLIP KPA

Turista ta muri ora jeep di ABC Tours a bolter entre Shete cu
Conchi

Saturday, 28 M arch 2015 17:21
Comparti

Diasabra un biahe di placer a bira atardi di luto pa un grupo di turista. Nan a haya un
accidente. Esaki ta bira di tres morto den trafico pa 2015. E turistanan femenino riba un trip
pisa sea bayendo of biniendo di Conchi a bolter cu e jeep.
Den e proceso aki un di e pasaheronan a kibra su nek cu consecuencia fatal. Tur cos ta mustra
cu e jeep a bolter riba su nek y consecuencia fatal cu el a kibra su slokdarm probablemente.
Polisnan a wordo avisa pa bai cu urgencia. Eybanda no por yega facil pero asina mes cu
yudanza di polis a logra. Na yegada riba e caminda malo a topa hendenan ta reanima e victima.
Tabata pomp e dama pa mira si por a rebibe. Na dado momento polisnan a cuminsa prepara e
ruta entre Shete pa hospital pa e caminda por ta liber. Na caminda a cancela tur cos pasobra e
victima a muri na e sitio mes. A cuminsa cu varios unidad haci un investigacion grandi. A haci
e area liber mirando cu eybanda tabata tin algun guy basta bruha ta medio causa problema y
falta respet. Despues di traha e espacio pa investigacion polis por a haci nan trabou. A pidi
presencia di dokter na e sitio. Dos otro persona tabata herida tambe pero no di gravedad. E
motibo exacto cu e jeep a bolter no ta conoci. Berdad e camindanan aki ta estilo off road. Lo
keda pendiente pa mira con e investigacion a termina y si e dama turista na stuur a pasa e
proceso di test.