Page 2 - AWEMAINTA

2 AWEMainta Dialuna, 23 December 2019

Tres persona tira pafo di Jumbo Bar Restaurant y agresor a huy na pia

DIASABRA madruga pasa di 1’or informacion a drenta di un caso di
tiramento na altura di Jumbo Bar Restaurant situa na Siribana.

Informacionnan a sigui drenta cu lo tin dos persona herida, uno den area di
pecho y e otro area abdominal.
Ambulancenan tambe mientrastanto tabata yegando e Siribana.

Polis cu a yega mesora a cera ambos banda cu lint geel, pa mantene tur
hende leu y asina marca tambe e Plaats Delict(PD). Esaki t’e area unda e

incidente lo a tuma lugar.
N’e sitio tabata un caos, mirando cu na un banda di caminda por a mira un

Kia Picanto para y un cantidad di loke ta parse ta stoel di plastic kibra.
A wordo papia cu aparentemente un problema lo a cuminsa paden den e
bar/restaurant y lo a bin termina pafo.

Pa mas o menos 2:23 a.m Cuerpo Policial a manda un informacion oficial

di loke a sosode.
Cuerpo Policial ta informa: Diasabra madruga pa mas o menos 1:16 Central
di Polis ta wordo informa cu dos persona a wordo tira na altura di Jumbo

Bar na Siribana Sta Cruz.
Na yegada di e patruya a pidi pa ambulance mirando cu enberdad a topa cu
dos persona herida pafo di e lugar menciona cu herida di bala.

Recherche a yega n’e sitio y tambe Departamento Tecnico pa haci nan
investigacion.
E sospechoso a huy for di e sitio na pia direccion pabao.

A pidi pa slachtofferhulp mirando cu dos persona a bay den shock n’e sitio.

E situacion di e 2 victimanan ta stabiel.
Algun minuut despues Polis ta haya cu no ta trata di dos persona, pero cu ta
tres persona a ricibi herida di bala, y cu nan situacion ta stabiel.