Page 21 - AWEMAINTA

Dialuna, 23 December 2019 AWEMainta 21

Dama conoci pa Polis, benta for di auto y tambe maltrata

DIASABRA atardi den careda di 6’or, Polis a bay pura
na altura di un supermarket na Catiri, unda un homber lo

a benta un muher for di auto y despues dal e tambe.
Despues di e comete e acto contra e dama kende riba dje

tabata bou influencia, el a subi auto bay lagu’e.
Un homber di edad, kende tabata cerca a bay yuda e dama,

kende a haya golpi na varios parti di su curpa.

Polis na yegada a pidi presencia di ambulance pa controla e
dama aki. Despues Polis a hibe warda, p’asina eynan mira

kico nan por saca di e dama aki.
E dama aki no ta desconoci pa Polis. El a yega di haya su

mes envolvi den diferente problema. Varios biaha el a dal
cu auto y te a bolter cu auto.

Segun nos a compronde, e no ta local, pero lamentablemente
e tin un problema cu alcohol y ken sa kico mas.

Na warda ora su haltura pasa e lo por conta Polis mihor
kico a pase.