Page 14 - UTILITIES
P. 14
y oportunidadnan Economico den Reino (SDGs: 7 tot en met 15).
E gruponan di trabou encarga cu integridad y geschillenregeling lo sigui existi
den nan forma existente.
E gruponan di trabou lo raporta te cu 1 mei 2018, inclusivo un raportahe cu
diferente desventahanan.
Tabatin alavez diferente bishita entre otro na WEB, e proyecto di alga na CITGO
y hospital. Mervin Wyatt-Ras ta trese padilanti cu e delegacion tabata
sumamente positivo di e bishita na Hospital.
Recientemente a trata e ampliacion y renovacion di Hospital den Parlamento y
por a skucha cantidad di discurso negativo encuanto e proyecto y gastonan.
Sinbargo ora mira, cana pasa den e parti nobo di Hospital por a mira cu e
coleganan Parlamentario di Hulanda, St.Maarten, Corsou y Aruba tabata
sumamente positivo tocante e proyecto. Durante e presentacion e coleganan di
Reino a haci diferente pregunta y tabata encanta cu e proyecto. Director di
Hospital a indica di ta coopera cu diferente pais den Reino, especialmente cu
Hulanda. Wyatt-Ras ta trese padilanti cu un di e logronan importante di IPKO ta
e diferente acuerdonan di cooperacion entre ministernan di Salubridad di e
diferente paisnan den Reino. Na anja 2014 a tuma lugar e prome Healthcare
Conference na Aruba organisa dor di minister Schwengle di Salud riba iniciativa
di IPKO. Na september 2017 a tuma lugar e di dos conferencia y diferente
protocol di cooperacion a ser firma entre e paisnan. Entre nan esun encuanto e
IHR (international health regulations), e cooperacion pa loke ta inspeccion di
salud y esun pa cooperacion mutuo entre e ministernan di Salubridad di Reino.
Pa loke ta trata geschillenregeling, tambe ta un di puntonan di bon cooperacion
den Reino. E paisnan Aruba, Corsou y St. Maarten cu cooperacion di Universidad
di Aruba a concipia un ley di iniciativa cu tabata un documento di discucion den
Reino. Ta keda cu den Reino lo tin cu keda coopera y caba cu e deficit
democratico. Pesey mes e reunionnan ta di importancia cu ariba nivel di control
di gobierno tin cooperacion pa sigui stimula u controla cu gobiernonan tin bon
cooperacion cu otro pais den Reino.
