Page 11 - LOTTO_Neat

Lotto ta felicita atleta Quincy Breell cu su medaya di oro y record nobo den salto
largoLotto ta felicita atleta Quincy Breell cu su medaya di oro y record nobo den salto
largo
Tuesday, 19 May 2015 14:46
Comparti

Siman pasa, e atleta elite di salto largo, Quincy Breell a competi den e Grand Prix de Atletismo na
Cartagena, Colombia unda e tabata buscando su clasificacion oficial pa e Weganan Panamericano 2015 cu
lo tuma luga den luna di juli na Toronto, Canada. Prome cu e competencia menciona e atleta Breell a
atende un campo di entrenamento na Merca pa asina gana mas experencia pa loke ta su bulanan.
Den e Grand Prix de Atletismo na Colombia, Quincy a competi den un elenco basta fuerte cu 25 otro
competido di paisnan Sur Americano. Mester bisa cu e atleta Arubano a logra su obhetivo unda e ta logra
gana medaya di oro pa Aruba como tambe su clasificacion Panamericano. Durante di e competencia di
salto largo, Quincy ta logra bula un record personal di 7.72 meter cual ta 23 centimeter mas hopi cu su
record anterior, esaki sigur ta un progreso enorme pa e atleta Breell. Remarcabel ta cu e record aki ta uno
nacional tambe mirando cu nunca antes un otro atleta di Aruba no a logra esaki den e disciplina di salto
largo. Awo e atleta Breell lo cuminsa prepara su mes den forma debido pa loke ta e competencia na
Toronto.
Un danki sigur na Lotto, e Loteria di Aruba pa medio di Comision di Subsidio cu a subsidia e atleta di
salto largo Quincy Breell pa cu e Grand Prix de Atletismo na Cartagena, Colombia .
Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio.

Comentarionan (0)
http://www.24ora.com/deporte-mainmenu-7/95300-lotto-ta-felicita-atleta-quincy-breell-cu-su-
medaya-di-oro-y-record-nobo-den-salto-largolotto-ta-felicita-atleta-quincy-breell-cu-su-medaya-di-oro-
y-record-nobo-den-salto-largo