Page 154 - KPA

ta wak si el a pasa e test y pa despues e ta bay pa wordo mata. Si e no pasa e
test, e ta wordo mata eynan mes y ta wordo hiba pa destruccion di e carni.

E controlamento ta tuma luga eynan mes. Djey cu e wordo mata, ta bolbe haci
un keuring y ta kita e cuero, pela e bestia y ta wordo habri, ta wak su

organonan, wak su vliesnan, wak pafo si tur cos ta bon. Y si e pasa e keuring e
ta haya su stempel y e criado tin cu paga un suma chikito na Veterinaire Dienst

cu ta bay den caha di gobierno, un asina yama keurloon. Ora cu e haya su
stempel, e carni ta wordo hiba pa distribucion.

Keurmento despues di matamento, ta mas trabao ya cu mester keur cada
bestia individual, su organonan, e ta tuma mas tempo e ora, segun Sr. Libiee.

Riba control di importacion di carni, e ta un control estricto. Pa cuminsa ta traha

cu leynan internacional, Mericano y Union Europeo. Leynan di Aruba ta bisa cu
por acepta carni solamente di Union Europeo of Merca of paisnan cu por exporta

pa nan. Awendia e matamento no ta tuma luga mas solamente den slagthuis. E
ta un keurmento di “from farm to fork”, cual kemen cu prome cu e bestia bay

slagthuis, mester sa e record di e bestia, si el a bira malo, etc. Ta haci testnan
ariba hormoon, si el a haya vacuna, dus e tin full su trayecto.

Merca y Union Europeo tin nan hendenan pa haci e trabaonan aki. Dus carni cu
drenta ta safe y e fenomeno di Chinesnan cu ta bisa cu e carni no ta bon. Pero

frecuentemente, Veterinaire Dienst ta haci nan inspeccion y no tur ora nan por
ta eynan. E consumidor mester ta mas critico, mas exigente. Den pasado nan a

cera un carniceria, cual tabata uno super malo. Ora nan ta bezig ta cerando e
luga, un cliente ta bin cumpra un kilo di carni mula. A hala e persona un banda,

splike e situacion. Pero e no a compronde e mensahe, segun Sr. Sherman
Libiee. Y ta esey nan kier focus, conscientisa e publico mas como consumido pa
ta mas critico.