Page 41 - AAA

Cu rafaganan mas fuerte cu a premira pa e proximo 24 hora, Irma ta sigui su
paso riba Atlantico den direccion west, rumbo pa Caribe, na un velocidad di 22
km/h.

NHC a indica cu tin un vigilancia constante pa loke ta e yegada inminente di e

ciclon pa e islanan di Antigua, Barbuda, Anguila, Montserrat, St. Kitt y Nevis,
Saba, St. Eustatius y St. Maarten.

White House diamars a anunica cu Trump a declara emergencia na Florida,

Puerto Rico y US Virgin Islands pa e yegada di e horcan.

“Esaki lo libera fondonan y asistencia federal necesario mientras nos ta prepara

pa Irma”, gobernador di Florida, Rick Scott a bisa, kende a enfatiza e yamado
na e poblacion pa tuma precaucion. “No sinta y spera pa prepara. Prepara awo”,

el a recomenda.

Gobernador di Puerto Rico, Ricardo Rosello a confirma cu Trump tambe a acepta
su solicitud di declara e estado di emergencia ariba e territorio.

Den un menos di un siman, Irma a pasa di un tormenta tropical pa un horcan di
categoria 5, e maximo ariba e scala di intensidad di Saffir- Simpson.

MErca ta siguiendo cu special atencion e trayectoria di Irma, ya cu zuid di e pais

y en particular e estado di Texas ainda ta recuperando e desastre paso di siman
pasa di horcan Harvey, cu a laga al menos 60 morto ya causa inundacionnan

grave y perdidanan cuantioso cu ta den careda di biyones di dollar.

Despues di Frankly, Gert y Harvey, Irma ta e di cuater horcan di e aña aki ariba
Atlantico.

Fuente: http://www.bbc.com/