Page 6 - AB

PAGINA 8 DIARIO DIARANZON 3 APRIL 2024
Bunita papagay ta

dorna cura di un cas

na Rooi Koochi

ORANJESTAD (AAN) Pasando den area di Rooi Koochi re-
cientemente, DIARIO a topa cu e bunita obra di arte aki di
papagay colorido, poni den cura di un cas.
E ta hopi parecido na e obranan crea pa e artista local Ese-
quias Perez Martinez di Mabon, kende dos luna pasa DIARIO
a relata di dje.
E arte aki di un bunita papagay, ta traha di palo. E artista den
un entrevista cu DIARIO a splica cu ta un accident a trans-
forma su bida, pero no su soñonan.
El a cuminza traha obranan cu pida troncon cu e tabata haya
den e patio di su cas, formando figuranan, y despues el a bay
Colombia cu un ruman, unda el a siña hopi mas. E obranan ta
traha na Aruba pero e materia prima ta bin di Colombia, cu
ta un palo special mas docil pa traha cune, y cu yama Ceiba
Torua, ya prome e tabata uza un material mas rustico.
Discusion den Bar a

finalisa cu pelea

ORANJESTAD (AAN): Tabata Diahuebs anochi laat banda di
10:35 pm, cu unidad di Polis di San Nicolas a ser manda na un
Bar & Restaurant na Savaneta unda tin pelea andando. Ora cu
agentenan a yega eynan, a papia cu e ciudadano di inicial A.
Segun A. a declara na Polis, cu a start un discusion cune y un
homber desconoci, y e homber H. Dado momento e homber
desconoci a dal e persona H. cu un mokete, y debi na esey el a
cay y dal parti patras di su cabes na suela.
Segun A. a splica, cu debi na esey H. a ricibi un kap na su
cabez cu a cuminsa sangra, y despues el a cana bay direccion
pabao.
Polis a sali y bay busca H. Nan a logra di topa cune na su cas
na Yara Complex. A ilumina su cabes cu flashlight y a nota cu
e tin un herida chikito parti patras di cabes.
Na 3 diferente ocasion, e agentenan a puntra H. si e lo kier
ricibi asistencia medico, pero el a rechasa esey tres biaha.
Despues H. a declara cu e tabata na e Bar & Restaurant unda el
a wordo acerca pa un homber desconoci. E persona ey a acus’e
di debe placa. Pesey a start un discusion entre nan, y esaki a Telefonnan di DIARIO
escala ora cu e homber a dal’e.
Pero H. no kier entrega keho. Polis e ora a duna ordo pa H.
drenta su cas, mirando cu e ta parce di ta bao influencia. El 582-6747 Fax 582-8551
a tende di Polis, a drenta su cas y cera porta. Na final a pone
Central di Polis na altura.