Page 9 - AM200429
P. 9
Diaranson, 29 April 2020 AWEMainta 9
Mi a entrega 30% di mi salario caba:
Cua mandatario ta siguimi?
Pa: Francis Saladin Sr.
MI a goza Minister Xiomara Maduro siman
pasa durante rueda di prensa di Gobierno.
E tabata hopi categorico cu tur, pero tur
hende sin excepcion mester entrega parti di
nan salario.
Ami mes cu ta doño di mi compania (Frasa
Trading) a entrega 30% di mi salario y por
ta cu pronto lo mi mester entrega mas ai-
nda.
Esaki t’e oportunidad pa Gobierno corta
tur e vet cu tin di mas den e aparato di Go-
bierno, manera cu Hulanda ta exigi cu tur
razon pa yuda Aruba exonomicamente.
E fiesta mester caba. Ta ridiculo cu tin ex-
ambtenaar cu ta cobra hasta tres (3) dife-
rente pensioen y ainda tin un puesto politico
den aparato gubernamental, y no corta awor
so, pero pa semper caba cu malgastamento
den Gobierno. De facto Aruba ta bancarota
caba.
Ban spera e politiconan di ambos banda usa
nan cabez y laga politica barata atras.
No tin tempo p’esey.
Hamber di un pueblo ta un cos peligroso. No
hunga cu e cos aki. Y hende cu conocemi sa
cu mi no a haña nada riba tayo di oro.
Ta cu hopi sacrificio y oranan largo di trabou
mi a logra lanta mi compania Frasa Trad-
ing. Ma traha duro mescos cu mi mayornan
a haci. Manos a la obra!!! Dios spaar Aruba.
