Page 25 - AWEM 28-Apr-2015

AWEMainta Diamars, 28 April 2015 25

APERTURA di un facilidad nobo ta

para simbolicamente pa crecemento
y desaroyo den e mundo dinamico
cu nos ta biba aden. Cu apertura di
“Paradera Drive Thru Center”, cual
ta un concepto nobo pa Aruba, Aruba
Bank ta sigui crece y desaroya.
Den un aña di celebracion grandi, unda
cu Aruba Bank ta conmemora su di 90
aniversario, e banco ta celebra intro-
duccion di mas inovacion y eficiencia
cu ta cumbini clientenan actual y fu-
turo clientenan.

Na aña 2013 ora Aruba Bank a anuncia
cu lo sera e sucursal di Paradera pa
muda operacionnan p’e edificio nobo
na Hato, cu a habri na december 2013,
e banco a haci un promesa n’e districto
di Paradera cu pronto nan lo introduci
un concepto diferente.
Cu apertura di “Paradera Drive Thru
Center”, Aruba Bank kier demostra
na Paradera y Aruba henter, cu nan a
cumpli cu e promesa aki.

Na juni 2014, Aruba Bank a anuncia
e construccion di un facilidad nobo y
diferente, y despues di apenas nuebe
luna, riba dia 24 di april, e ta cla pa
ricibi su clientenan.
E facilidad aki ta ofrece tres machine di
ATM y un machine di night depository
den forma di Drive Thru, p’asina fa-
cilita tur cliente personal y comercial.
Di e forma aki ofreciendo servicionan
bancario flexibel y eficiente, 24 ora pa
dia y 7 dia pa siman.
E machinenan di ATM aki ta ofrece
servicionan di lanta placa, deposita
placa y haci transferencia di un cuenta
pa un otro cuenta personal.

Durante di e ceremonia di apertura a
hisa tres bandera, e bandera di Aruba,
e bandera di Aruba Bank y un bandera
cu e logo di “Paradera Drive Thru Cen-
ter”. Sigui pa un show di luz p’asina
despues haci uzo di e servicio di ATM y
asina a declara e “Paradera Drive Thru
Center” habri oficialmente pa publico
general.
E evento aki a conta cu presencia di
gerencia y staf di Aruba Bank, tur per-
sona envolvi den planea y desaroyo di
e Drive Thru Center, comerciantenan
cu negoshinan den e area y bisiñanan.
Aruba Bank ta invita comunidad pa
haci uzo di e servicionan ofreci via di e
machinenan di ATM y night depository
na Paradera.
Pa mas informacion por like e pagina
di Aruba Bank riba Facebook.