Page 4 - AHATA

DIAMARS 22 AUGUSTUS 2023 DIARIO PAGINA 19
Ban yuda e cliente haya su

50 Florin perdi den Botica

ORANJESTAD (AAN): Despues di a revisa e Security Video
Camera di Botica Santa Anna na Noord, a bin haya sa porfin
loke a socede cu un papel di 50 Florin cu un cliente masculino
a pone pa paga cune na Cashier.
Tabata Diasabra 3 di Augustus 2023 banda di 5:00 pm, cu
un ciudadano cabey preto, bisti cu short shinishi, keds preto
cu blanco na pia, y un Shirt estampa cu palabra ‘SpiritBox’ of
algo similar, cu un schoudertas preto na su curpa, a yega na e
Cashier di Botica Santa Anna.
E tabata combersando cu un otro cliente femenino, y net e
momento ey e cahera tabata na su pantaya ta punch-in.
Sin cu ningun hende a ripara, un brisa di biento diripiente a
pusha e papel di 50 Florin, cu a bay dilanti y cay patras di e
cashi, y ‘desaparece’ cu e fluho di biento bao di e cashi.
Ningun hende a mira esaki socede, y e cliente mes no por a
kere su wowo ta unda su 50 Florin a bay, y con e por a cria pia
den un fraccion di seconde.
Personal di limpieza a haya e placa: E bon noticia ta cu e
personal di limpieza di Botica Santa Anna a bin haya e papel
di 50 Florin aki benta eybao, y a entrega esaki na gerencia.
E replay di e video a demostra cu enberdad e placa ta di
Telefonnan di DIARIO e cliente masculino aki, y pa tal motibo gerencia di Botica
Santa Anna kier pa e persona acudi bek eynan pa asina e por
582-6747 Fax 582-8551 haya su 50 Florin.
Si acaso abo por reconoce e persona aki, bo por informe cu
Botica Santa Anna tin su papel di 50 Florin pa e bay reclama
esaki bek.