Page 15 - HOH
P. 15
Mei 15, 2021
www.awemainta.com
www.facebook.com/awemainta
noticia@awemainta.com
583-1400
MINISTERIO DI VWS-HULANDA A
KEDA SUMAMENTE SATISFECHO CU E
TREMENDO BISTA DI CUIDO NA ARUBA
MASKE cu hopi biaha Dr. Horacio E. Oduber Hospital ta wordo critica, mas y mas
ta keda confirma cu Aruba tin un di mihor hospitalnan den Caribe. Recientemente
un delegacion di Ministerio di VWS Hulanda, a bishita HOH y a ricibi un bista di
Hospital durante un recorido cortico compaña pa un presentacion di algun punto
relevante.
A trata e crisis di Covid-19 na Aruba y e retonan, cuido regional, e parti financiero
y e importancia pa mantene cuido na Aruba mes.
Un bishita y presentacion yena di informacion importante cu tabata bou di guia
di Hunta di Directiva conhuntamente cu team di specialista, team di maneho di
Hospital y tambe representantenan di cuido na Aruba.
A hiba e delegacion tambe riba B5 cu lo bira e Cuido Intensivo nobo cu lo ser
inaugura pronto. HOH mes su vision ta inverti hopi mas den educacion pa
personal den cuido pa nos tin nos mesun hendenan di Aruba pa traha na HOH.
