Page 75 - MIN ECEM

De Meza: Tur cos on schedule pa loke ta

perforacion di gas

Posted on 08/14/2017 10:22 am AST | Updated on 08/14/2017 9:48 pm AST

ORANJESTAD – E compania encarga cu exploracion di gas den awa teritorial di Aruba
aworaki ta wardando pa e siguiente trabounan di e fase di perforacion di prueba cuminsa.
Asina cu ricibi un resultado positivo, lo haci un analisis si un reserva/mina asina aki ta
confiabel economicamente. Asina minister di energia Mike de Meza a informa pa medio
di un comunicado. Segun e mandatario, por haya algo, pero e ta costoso pa yega na dje
den cantidad chikito of den material inferior. Ora cu haci e analisis, e ora ey por mira si
comercial e ta viabel pa explota e mina ey. E fase aki lo inicia na final di e aña aki pa
comienso di otro aña. “Una bes cu haci e fase ey, e ora por bay den explotacion, di cual lo
explota e reservanan ey”.

Aki ta papia di inversionnan sumamente grandi cu ta algun di biyones di dollar y pa cu
esaki lo mester traha rates, pa tin e aparatonan necesario pa por ta safe na momento di
explota gas, pero azeta tambe, de Meza a expresa. Tur esaki lo ta interesante y e lo tin su
beneficionan grandi pa pais Aruba.

Aworaki ta analisando diferente ley di diferente pais di cual un di nan ta di Europa. Na
Noruega tin leynan hopi strigente. Loke cu kier haci ta pa sigura pa hinca tur esaki den un
sistema hopi streng y hopi bon hancra den ley, pa asina no haya ningun politico na Aruba
cu lo bay haci mal uzo di algo asina. Den hopi pais por mira cu a haci hallazgonan grandi
di reserva di gas y di petroleo, pero ora di kere cu e lo bira un bendicion por bira un
maldicion p'e pais door di diferente metemento politico y comerciantenan cu por haya
acceso na decision cu no ta beneficioso p'e pueblo.