Page 4 - YMCA

HENDE A15
Diaranson 27 December 2017

YMCA Aruba a tene su celebracion di Pasco

ORANJESTA - Recientemente YMCA Aruba a organisa
su celebracion di Pasco. Aki ta unda cu miembronan,
mayornan y conocirnan di ambos centro a bini hunto
pa asina disfruta di diferente sorto di presentacion cu
ta wordo duna pa YMCA su miembronan. Esaki ta se-
gun e relato cu nos a ricibi.
Durante di e evento aki Sherwin Wester, Youth Worker na
YMCA Dakota a splica cu a parti e shownan den grupo di
YMCA Dakota y YMCA San Nicolas. Cada un Youth Worker
a haya un grupo pa train, y e sorto di show, baile, canto, of
por ehempel teatro a wordo scogi abase di e talentonan y de-
seonan di e muchanan.
Donna-Lee Eddie, supervisor di Kids & Youth programs, a
keda responsabel pa cu e programa di e anochi, y a organisa
esaki te den detaye pa asina tur cos bay bon ariba e anochi spe-
cial akinan. Tras di e anochi special akinan tin lunanan di pre-
paracion. Unda e youth workers, staf y miembronan ta train
pa nan show, y ta prepara e material di decoracion y trahenan.
Tambe nan ta siña e muchanan tacticanan di improvisacion pa
ora un show no bay manera nan a prepara. Durante e show
tabata tin momento cu mester a improvisa. Esaki ta duna es-
pacio pa e muchanan por mustra e publico nan creatividad.
“Nos ta hopi contento con e evento a bay”, asina Sherwin
Wester a expresa.
Donna-Lee Eddie a gradici mayornan cu a coopera cu YMCA
via di yuda cu e materialnan pa e trahenan di e muchanan.
Tambe el a gradici e personanan cu a yuda organisa e evento
di Experience San Nicolas kende a entrega kerstboomnan
como donacion. “E kerstboomnan a yuda nos hopi pa dec-
oracion. Mi ta hopi gradicido”, asina e supervisor a termina.