Page 24 - KPA

26 AWEMainta Diamars, 7 November 2017

Cambio di Mando na Landmachtcompagnie

WILLEMSTAD – Durante un ceremonia chiquito a tuma
lugar cambio di mando na Base di Marina na Parera di e di e
25ee Landmacht Compagnie na de West (CIDW). Esaki a tuma
lugar dialuna mainta ultimo na Corsou.
E rotatacion aki a cuminsas for di dia 3 juli riba e isla, banda
di e entrenamento regular na Isla Riba, y sigur durante cu e
islanan di St. Maarten, Saba y St. Eustatius a keda afecta pa
varios orcan.

N’e ceremonia aki por a mira Commandant der Zeemacht di
Area Caribense, Brigadegeneraal der Mariniers De Vin, hy
miembronan di staff di Marinebasis Parera.
E compagniescommandant, saliente Kapitein Yoeri di ‘Alfa-
Java’ infanteriecompagnie di e 11 Luchtmobiele a luchi den su
discurso riba un periodo masha intensivo. El a gradici su unidad,
staff y general p’e periodo na Corsou.
E no por keda sin menciona e sosten haya di KPC, VKC y mili-
tarnan di Corsou y tambe e training di Crowd & Riot Control
den augustus ultimo den Punda banda di Fort Amsterdam, cu
tabata un iniciativa di KPC unda Defensa cu placer a uni su
mes n’esaki.

E Landmacht Compagnie nobo a yega Hato dialuna ultimo. E di
13e infanteriebataljon ‘Regiment Stoottroepen Prins Bernhard’
for di Assen a bin tuma over e trabao haci. E compagnies com-
mandant nobo Kapitein Elwyn no ta un desconoci den Caribe.
Riba e fotonan aki, por mira e cambio di mando cu a tuma lugar.

Barco di Guera Brasileño na Corsou WILLEMSTAD - E barco di guera Brasileño

U-2 “BRASIL” lo bishita Corsou e luna aki y
Comandante di e fragata lo tene un recepcion
pa invitadonan local.
Capitan di e barco di guera ta Captain Gustavo
Calero Garriga Pires.

Ta trata di un fragata di Armada Brasileño cu
nan ta usa pa prepará oficialnan hoben den
práctica como parti di nan curso na Academia
Naval di Brasil.

E barco ta midi 130 meter y tur aña ta bishita
varios haf rònd mundo como parti di e training.
E aña’ki e barco a sali for di Rio de Janeiro for
di 24 di juli y lo bishita Salvador na Brasil, Las
Palmas na Spaña, Toulon na Fransia, Monaco,
Civitavecchia na Italia, Barcelona na Spaña,
Lisbon na Portugal, y varios otro haf Europeo
mas manera Amsterdam y Sint Petersburg na
Rusia.
Riba su biahe di retorno nan lo bishita varios
haf na costa oòst, Habana, Jamaica, Cartagena
y finalmente retorná Rio de Janeiro. E barco
lo ta na Corsou for di 17 te 21 di november.