Page 84 - KPA
P. 84
Den careda di 9’or di dialuna anochi, patruyanan di Noord a haya un melding cu lo tin un
persecusion andando entre un Yaris blanco y un Toyota Tercel cora riba J.E. Irausquin
Boulevard. Polis a bay na e sitio y na e birada na altura di Riu Antillas, polis a bin topa cu
e Tercel cora numera A-69688, y a par’e. Un poco mas p’ariba un otro patruya a para e
Yaris color blanco numera A-60527. Ora polis a acerca e dama di e Yaris color blanco, e
dama ta conta cu e tabata cu e cabayero di e Tercel color cora na un pizzeria den e area di
Sasaki comiendo, ora cu e casa di e dama di e Yaris blanco a yega y sorprende nan. Aki a
surgi un discucion, unda cu despues e dama a bay den e Yaris y e cabayero di e Tercel a
cuminsa persigui nan. Polis a bay check cu e cabayero di e Tercel, unda cu e ta conta
polis e mesun version cu nan tabata comiendo na e pizzeria, ora cu diripiente e Yaris
blanco, esta e casa di e dama, a sorprende nan. Aki a start un discusion y despues e
persecucion a start. Polis a papia cu ambos partido y splica nan cu asina ey no ta manera
di regla problema di pareha, poniendo asina trafico na peliger. Tur dos partido a
compronde y nan a sigui nan caminda.
