Page 8 - AM240902 2.1

8 LOCAL AWEMainta Dialuna, 2 September 2024

Celebrando cultura y union na Aruba

Bario di Brazil a gosa di un bunita Parada di Lanterna

DIABIERNA anochi, Aruba a briya cu luz
durante e tradicional Parada di Lanterna, un
evento vibrante cu a reuni hende di tur edad pa

celebra cultura y creatividad. E parada a saca
hende pafo di su cas den un ambiente di alegria
y celebracion riba caya, cu musica folklorico y
energia positivo.

E tabata un anochi calor di e ambiente di fiesta,
caminda fo'i mucha chikito te na adulto mayor,
tur hende a reuni pa bishita e evento cu a bira un

tradicion lokal kerí. Cu alegria y pasion, grupo
creativo di tur skina di e isla a sali riba caya pa
mustra nan talento y inspiracion.

E parada a cuminsa den Centro di Bario Brazil,
unda un ambiente di union y hermandad tabata
domina. Riba caya, bo por a mira lanter di varios
tamaño y colo, tur cu un historia diferente, crea

cu amor pa honra e tradicion y pasa un mensahe
di union.
Grupo pa grupo, e creatividad a bula for di tur
banda: coreografia di danza folklorico, musica

bibo y vestuario tradicional cu ta refleha e rikesa
cultural di Aruba.