Page 42 - UTILITIES

Theo de Kool, director financiero di Hospital a comenta cu e siman cu a pasa a manda un

carta pa cierto cantidad di persona y instancia, firma pa un gran cantidad di trahado di

OK, unda cu nan ta keha riba holo di diesel. E no ta bay pa holo di diesel mes, pero ta bay

riba gas. E no tin di haber cu e brote cu a tuma luga dos luna pasa na November, pero ta

un otro problema. A bin resulta cu e problema aki a tuma luga door cu e salida (uitlaat) di

e boilernan di e sistema di awa cayente di e toren nobo ta poni na tal manera, cu na cierto

circunstancianan, cu cierto biento, ta supla e huma y ta haci cu e holo di e gas ta yega te
den e compleho di radiologie y tambe OK. Tin di compronde cu e departamentonan aki ta

carga cu e holo di e gasnan aki. Ta un problema di holo. Tambe posiblemente tin algun

componentenan dañino, cual ta laga investiga na laboratorio, pero te ainda no a haya

ningun resultado. Pero si a constata cu algun di e trahadonan, ta haya molester di

halamento di rosea y cu a bay cas malo. Ta pa e motibo di esaki ta tuma e problema aki

hopi na serio.

Y prome cu pasco a experencia esaki, di manera cu a para tur operacion, pa despues bay

rapidamente bek den funcion, mirando cu a desactiva e boiler cu ta trahe e gasnan aki.

Solamente cu e temperatura den e toren nobo, ta baha rapidamente. E awa cayente ta

mara na e sistema di friamento di e toren y parce cu den e toren tabata bira demasiado

friu.