Page 27 - MIN SOC 22jan,2016

locual ta apoyo di sectornan social manera famianan, hobennan y muchanan; como tambe
personanan cu limitacion, personanan cu mester di apoyo material y nos grandinan. Croes sigur
ta wak, cu tin manera pa traha den un contacto mas estrecho cu e fundacionnan, cu ta resorta bou
di su ministerio. E ta un obhetivo, cu e mandatario a bin ta haci, durante e ultimo dos añanan y
tin e firme intencion di fortifica ainda. Un trabou eficiente den ekipo, ta esencial pa crea e
resultadonan fiha den e maneho social.

NO A CORTA

"Nos no a corta den e fundacionnan subsidio. Basicamente tin te hasta un crecemento di 3% den
e subsidio total, pa cu e fundacionnan," Croes a finalisa bisando. Tur directiva, personal y
principalmente clientenan di fundacionnan local, por keda trankil, pasobra den 2016 ta bay
conoce un continuacion di e facilidad, servicio y productonan valioso pa un miho calidad di bida.

http://www.noticiacla.com/news/4898