Page 34 - AweMainta5Feb2016

34 AWEMainta Diabierna, 5 Februari 2016

Ta spera un reaccion masal di parti
di e federacionnan deportivo

Premio Excelencia
den Deporte:

Kendenan
lo bira
Aruba su
Atletanan di
Aña 2015?

PA 13 aña consecutivo un comision consistiendo di

representantenan di e organonan deportivo manera
Aruba Sport Unie, IBISA, Ministerio di Deporte hunto cu
e reportero y/of redactornan deportivo di prensa, radio
y television, den un forma organisa y imparcial ta studia
y repasa e curiculo di tur e nominadonan, pa na final
scoge e deportista di aña y reconoce e figura deportivo
pa su prestacion.

Durante di un anochi di gala lo haci entrega di e maximo
galardon na e atleta cu a destaca den e aña deportivo
2015. Mester corda cu Premio Excelencia den Deporte
ta e unico evento deportivo unda nos miho deportista y
dirigentenan den tur edad ta bini hunto pa asina wordo
reconoci pa e bon trabou desplega pa e deporte Arubano.

For di inicio di e premiacion na aña 2003, atletanan den
diferente ramo di deporte a gana e premio maximo y
bira Aruba su deportista di aña. Mas cu claro esaki no
a bay sin su esfuerso y sacrificio di tanto e atleta y su
federacion cu e ta representa.
Di e atletanan cu a yega di wordo premia den pasado
algun di nan ainda ta activo na Aruba mes, mientras
otronan a dicidi di bay biba den exterior y continua cu
nan estudio y sigui practica nan deporte preferi. Ta bon
pa bisa cu e federacionnan deportivo a reacciona den
forma positivo, mientras un gran parti ya a cuminsa
traha riba nan nominadonan.
E comision organisado ta spera cu tur federacion lo
haci nan maximo esfuerso pa manda nan nominadonan
p’asina e deportistanan di cada ramo di deporte no
keda perhudica. E fecha y dia di e gran evento lo wordo
anuncia despues.
Den un proximo comunicado di prensa nos lo menciona
e categorianan cu lo ser premia e anochi aki como tambe
e reglanan cu e federacionnan deportivo lo mester tene
cuenta cu ne.