Page 17 - KPA

E ta busca pa husticia Canades: Michael Gibson conoci como
Teddy of Tyke ta e asesino di Jaburibari

Thursday, 11 May 2017 07:16
Comparti

Na Canada Husticia ta buscando e homber Michael Gibson cu ta conoci tambe pa sea Teddy of Tyke. E
homber aki a drenta Aruba cu nomber falso pero mientrastanto ya caba su nomber ta conoci pa husticia
di Aruba.

E contacto entre husticia di Aruba y di Canada tey y pesey mes Ministerio Publico a confirma diaranzon
cu nan a haya e nomber oficial di e sospechoso principal. Awor aki e sospechoso Tyke of Teddy Gibson
mester bay duna cuenta prome na husticia di Aruba pa e asesinato cu el a comete. El a tira e otro Canades
cu tiro den cabez. E caso ora el a sosode tabata a base di un discusion masha pisa cu tabata tin den e caso.
Tabata tin un fiesta di bebemento, droga y muhernan den wega. E momento ey tabata tin mas hende na e
cas. Tin cu hasta a bay drumi caba. Ya caba casi mainta e discusion a bin unda Teddy of Tyke a yega asina
leu di los e tiro fatal den cabez. E sospechoso aki cu ta peligroso y busca pa husticia Canades ta nenga of
no ta papia dunando e coperacion na autoridad di Aruba. Loke tin e sospechoso aki colga awor aki ta e
declaracion di testigonan. Tur esnan cu por tabata tey a keda deteni. Despues di e asesinato tabata tin
hende drumi y otronan lanta. E discusion y tiro fatal tabata na e di dos piso. Abou tambe tabata tin hende
cu no a mira pero a keda deteni. E grupo aki ta uno meti den baho mundo. Tur cos ta mustra cu ta na
Aruba mes e criminal asesino a cumpra e arma. Despues di e tiramento ta varios a bandona e cas. Dos di
nan cu ta un homber y un muher a huy den un V-Wagen cora cu a accidente den vecindario di Calabas. E
chauffeur a core bay lagando e muher herida atras. E muher a bay hospital pero despues a keda deteni. E
homber cu a huy despues tambe a keda deteni. Mietrastanto durante e dia ey a sigui un investigacion. A
drenta algun tip importante mesun mainta di otro tesgigo cu conoce algun di esnan na e cas. Asina a bay
busca drechi di otronan cu lo ta kedando na un area di apartamento banda di Rat Land. Ora Polis a bay
na e sitio a bin topa un auto saliendo coriendo sospechoso. Nan a mira Polis y a purba pasa mey mey di
otro autonan para na e luz di trafico. A cuminsa un persecusion y e V-Wagen cu tabata un Kia Sportage a
pasa den luz cora bay direccion di e hotelnan atrobe. Djey a subi Juancho Yrausquin Blvd bay direccion
Paseo Herencia y sali banda di Palm Beach Plaza y subi Sasaki Weg atrobe direccion Playa. Despues nan
a sigui core pa Polis pasando luz di trafico na Palm Beach. A core te cruzada di Super Food y djey lora
links drenta Bubali te crusada di Shaba. Na caminda a tira placa afo. E motibo cu a tira placa afo no ta
conoci. Despues na crusada di Shaba a lora rechts direccion rotonde Tanki Flip. Di eynan a lora man
drecho direccion Hato. Na rotonde di Aruba Bank a purba lora bin bek Ariba pasobra e unidadnan
Policial tabata su tras. Eynan Polisnan a changa e auto cu a baha caminda cay den e rooi y bolter. Polis
uniforma y na civil fuertemente arma a logra rondona e auto den un forma profesional y asina baha e
hendenan for di e auto. Asina a logra saca tur cinco hende. Dos tabata herida y a bay hospital bou
custodia Policial. Otro tresnan a keda deteni y den esnan deteni e asesino di Jaburibari y busca pa
husticia Canades tambe tabata tey. Eynan tur cinco a keda deteni. Ya caba cu e dosnan di Calabas y e
cinconan aki a bira 7 detencion. Despues na Airport a haci un detencion mas y asina a logra bira ocho
detencion. Desoues a anuncia cu cuater di nan a wordo laga den libertad pasobra nan tabata tey pero no
tabata tin un rol den e caso. Nan a conta si tur loke nan a mira. Y den tur declaracion haci pa esnan cu
tabata tey ta confirma cu ta Michael Gibson conoci como Teddy of Tyke ta esun cu a mata. E grupo di