Page 86 - KPA

Kustwacht y Polis a gara boto cu 7 pasahero yegando Aruba
ilegalmente

Wednesday, 10 May 2017 20:29
Comparti

Den oranan di anochi laat, manece diaranson, un otro trabao, tanto di kustwacht como polis riba lama, a pone cu a intercepta
un boto Libmar cu a bin for di Venezuela

, cu shete persona, kendenan a wordo deteni prome cu nan a yega tera na Aruba.
Luis Kirindongo ta hefe di operacion di Kustwacht, a conta un tiki riba e accion di anochi pa marduga.

Diamars anochi rond di 11’or, unidad a detecta un movecion straño riba lama. Mesora a bay pa identifica y intercepta e boto
aki pa wak kico e ta haciendo den nos awanan. Yegando mas cerca a mira cu tabata un boto cu tabata nabega sin su luznan.
Ora cu a yega mas cerca a sorpresa nan, nan a purba di bira bay zuid, pero a logra di intercepta e boto aki. Tabata tin 7 hende
abordo, incluyendo e capitan. E capitan a wordo deteni den e caso aki pa traficacion di hende y e sobra hendenan cu tabata
abordo a wordo deteni pa procesa, den e caso aki pa Warda nos Costa, pa despues wordo deporta bek pa nan pais.
Caranan conoci

Segun Kirindongo, tabata tin hende abordo cu a yega di gara den pasado. Ora cu a coynan den pasado, ta dificil pa nan drenta
legal bek Aruba y semper nan ta purba moda di gok pa drenta den forma ilegal. Pero personal atento y bon entrena di
kustwacht pa ehecuta e trabao, a detecta e boto aki na tempo y asina frustra e intento cu tabata tin pa drenta den forma ilegal
den nos pais.
24/7

Kustwacht tey 24/7 presente sirbiendo nos comunidad riba lama. Tin un number hopi simpel cual ta 913. Eynan tin personal di
kustwacht sinta 24/7. Eynan ta tuma melding y ta pase pa unidadnan, unda cu nan ta wordo dirigi caminda cu cosnan iregular
ta pasando y asina ey por para ilegalidadnan cu ta tuma luga den nos awanan.

Den e 6nan cu a wordo hiba pa warda nos costa, 3 a yega di wordo deporta caba. Cada un a paga 500 dollar pa bin Aruba. E
capitan atrobe ta wordo gara. E tin cu bay sinta un castigo atrobe na KIA, mirando un otro infraccion den nos leynan cu el a
comete na momento cu kustwacht y polis a gare riba lama, treciendo 6 ilegal pa nos isla.