Page 96 - KPA

Te ainda ta desconoci kico ta e motibo cu a kibra graf den
Santana na Noord

Wednesday, 10 May 2017 20:30
Comparti

Nos tabata den Santana na Noord caminda a sosode un caso cu den oranan di merdia, a bati alarma na
warda di polis pasobra a kibra un graf.
Ta trata di graf di Julio Matos, kende a wordo dera dia 31 di December 2012. Nos tabata eynan pasobra e
graf a wordo kibra. A saca e difunto for di e graf, bente cu caha cu tur abao. Autoridad a cuminsa cu un
investigacion mesora. A notifica famia tambe, cu a presenta na e sitio. Nan a constata toch cu tur cos
tabata intacto. A coy tur e restonan y pone nan bek den e graf y despues e funeraria a manda su personal
pa bin atende cu e graf y pone e restonan bek y a sera e graf completo. Kico ta e motibo cu el a wordo
kibra, ta desconoci ainda. Algun dia pasa a tende di algun carpachi cu a wordo saca for di Zeewijk. Awo a
bin kibra specificamente e graf di Julio Matos. Famianan a bin y e personal di “total Cleaning a bin
despues di investigacion policial pa haci limpi, na momento cu a descubri cu tin algun curpa a sea asesina
of a keda den estado di descomposicion, pa haci limpiesa di inmediato. Nan a piki e sushi cu tabata tin,
pa despues desinfecta e luga completamente.