Page 7 - COMBINE - YMCA
P. 7
YMCA Aruba ta buscando un director nobo
Tuesday, 09 February 2016 00:23
Tweet
Comparti
Den cuadro di su trabounan diario na bienestar di comunidad, YMCA Aruba ta buscando un director
nobo. Ta pidi tur esunnan interesa pa aplica prome cu diabierna awor dia 12 di februari 2016 via
emailoffice@arubaymca.com. Siendo e "General Secretary" lo bo ta e persona familiar cu
obhetivonan di e organisacion a traves di Bo mesun experencia. Bo lo mester mantene e idealnan aki y
sea un ehempel den e organisacion.
E trabou di director di YMCA Aruba ta encera supervision di empleadonan y boluntarionan, evalua
efectividad di e programanan, desaroya programanan nobo y di ta e cara di e organisacion pa publico.
Mester participa den misionnan mas grandi na nivel internacional, representando e comunidad di Aruba,
specialmente e hobennan. Ta representa YMCA Aruba den media, cu donantenan, cu otro
organisacionnan internacional y otro partnernan local. Mester desaroya programanan pa desaroya
liderazgo hubenil y tambe aumenta e efectividad general di e organisacion.
Otro responsabilidadnan ta inclui di ta un defensor y ta envolvi den asuntonan di comunidad cu tin di
haber cu e mision di YMCA, yudando esunnan den mas necesidad y promove cambio social, colabora cu e
organisacionnan necesario pa por logra esaki.
E director ta responsabel pa prepara y supervisa e presupuesto anual di e organisacion, asisti e directiva
diario den recaudacion di fondo y evalua programanan anualmente, mescos ta mantencion di
estadisticanan y publicacionnan.
Bo mester fungi como un educador den comunidad, tirando discurso na eventonan y facilitando
proyectonan social, estrecha lasonan cu otro organisacionnan similar na YMCA y duna presentacion na
scolnan y organisacionnan cu ta regarda hubentud.
Pa por aplica, e persona mester dispone di un estudio na nivel di HBO of WO. Ta pidi pa tin por lo menos
5 aña di experiencia sorto di trabou asina.
Young Men's Christian Association (YMCA) ta funda dia 6 di juni 1844 dor di George Williams na
London, Inglatera. Su oficina principal ta na Geneve, na Suisa. Mas di 57 miyon hende ta benefia di e
asosacion den 125 pais rond mundo. E lema principal di e organisacion internacional ta empodera
hendenan hoben.
Bob Steele a funda YMCA Aruba 57 aña pasa dor di e necesidad pa bin cu un lugar pa hobennan pa evita
cu nan lo ta riba caya. Sin fondo disponibel, cu e lema “Without a cent, but with hope and prayer”, un
grupo di persona a cuminsa cu e organisacion cual a haya apoyo di entre otro Lago Oil and Transport Co
