Page 46 - HOH

*Raad van Advies a bati alarma pa mita BBO, PPS y Citgo

ORANJESTAD (AAN) — Ta cu gran sorpresa
awe ta tuma nota con politiconan cu a bay contra conseho di e organonan di estado, ta
bini dilanti pa supuestamente defende un pueblo cu nan a pusha den miseria.

Pakico awe Aruba ta den problema?

Ora nos papia ta a base di analisis di berdad. Nos ta pone prueba riba mesa. Prueba di

rapportnan di instancianan ignora y kiebra di nos leynan dor di gobierno anterior.

Na 2017 a keda demostra cuanto balor e gobierno anterior tabata tin pa Algemene
Rekenkamer Aruba, cu ni sikiera a haya un contesta riba su prome investigacion di e

proyectonan PPS, cu a destrui futuro di Aruba.

Awe kier salta e rapportnan aki, pa bay papia di e conseho di Raad van Advies riba e
presupuesto cu awe Aruba mester trata y cu ta exigi pa medida wordo tuma.

Rapportnan por bay den lachi, no semper ta muri den lachi.

Si awe ta di Raad van Advies, e consehero oficial di gobierno y parlamento, kier papia,

ban haci esaki.

Na 2009 gobierno anterior a cuminsa cu ehecucion di e plan campaña politico pa baha
BBO na mita. Ta traha un presupuesto pa 2010 y esaki ta wordo atendi dor di Raad van

Advies cu ta contesta na prome luga e falta di splicacion y informacion importante pa
por dicidi si e base di cifranan di gobierno anterior, tabata corecto.

Raad van Advies ta papia di e 80 Miyon menos na entrada y tur e resultadonan

negativo cu e maneho tras di e presupuesto di 2010 lo tabata tin pa Aruba.

Raad van Advies a haya rason y awe Aruba ta den problema pa e presupuesto di
gobierno anterior di 2010.