Page 4 - Minister Michelle Hooyboer Winklaar

12 AWEMainta Diasabra, 30 Januari 2016

Minister Hooyboer Winklaar
lo reuni cu SMOA pa clarifica

situacion di Rector di
Colegio Arubano

MINISTER Michelle Hooyboer Winklaar lo tene otro siman un reunion cu Raad

van Toezicht di SMOA cu ta maneha Colegio Arubano riba e situacion rond di
e Rector actual sr. Hans Timmermans.

Minister Hooyboer-Winklaar a wordo notifica dor di diferente stakeholders
den enseñansa como tambe dor di docente y mayornan preocupa riba e

ausencia largo di sr. Hans Timmermans, pero no a ricibi notificacion
oficial for di SMOA riba e situacion aki.

Pesey Minister Hooyboer-Winklaar ta haye na su lugar pa yama
e miembronan di Raad van Toezicht di SMOA pa un reunion
urgente p’asina por clarifica e situacion rond di e Rector
actual di Colegio Arubano kende for di december 2015
no a bolbe Aruba.

Minister Hooyboer-Winklaar ta spera cu durante e
reunion por bin claridad riba e situacion y cu tambe
SMOA por bin cu plannan concreto p’e situacion cu a

surgi sin cu esaki ta perhudica e organisacion, pero
primordialmente e alumnonan.

Extraoficialmente nos a haya informacion cu
e Rector Hans Timmermans lo ta malo na
Hulanda. Pero for di ki dia y te ki dia, no
tin claridad.