Page 39 - HOH_Neat

mandatario ya caba a sinta cu e stakeholder nan., sinembargo loke cu ta molestia e mandatario cu
cada bes tin cambionan. Actualmente e proyecto aki lo costa Aruba na final di dia mas cu 1 biyon
florin. Ta di lamenta cu na varios caminda varios aspecto a keda lubida y ainda ta papia di cambionan

den e reunionnan cu ta tuma luga cu sigur lo trece costo nan adicional. Segun Minister Dangui
Oduber comunidad mester ta consciente cu na e momentonan aki cada retraso cu tin den e periodo di
construccion pa siman comunidad tin cu paga 90 mil dollar . Esaki ta significa cu cada siman cu tin

un retraso 90 mil dollar adicional ta bin riba e gasto cu tin caba. Pa e motibo aki mes e desaroyo na
hospital tin Minister Dangui Oduber su atencion y a pone mesora un representante di gobierno den e
comision pa asina semanalmente ta presente na tur e reunion y desaroyo di e proyecto. Di e manera

aki tambe ministerio tambe ta na altura paso pa paso di e desaroyonan cu ta tumando luga. Minister
Dangui Oduber a yama e reunion aki netamente pa haya respuesta dicon lo haci cambio un biaha mas

na e desaroyo cu ta tumando luga, mirando cu pa e parlamentario loke ta hopi importante pa sa kico
ta e necesidadnan y kico ta e costo nan adicional cu nos como pais , como pueblo tin cu bolbe paga.
E mandatario nota kere cu constantemente mester cambia e desaroyonan y añadi placa.