Page 2 - AM231004

2 LOCAL AWEMainta
Aparentemente Parlamento tin un ‘mini reces’ e siman aki
siman aki ta ‘school vakantie’ cual ta conoci como ‘herf-
E stvakantie’ caminda muchanan di scol a haya un siman
liber, acopla na ‘ATV dag’ cu tabata diabierna ultimo dia 29
di December.
Sinembargo tin tur indicacion cu no a scolnan so ta di vaca-
cion ya cu tanto Parlamento como gobierno, tambe ta riba
un vacacion di un siman, algo cu ta sorprende hopi hende ya
cu e siman aki no tin loke nan ta yama reces pa parlamento
y tampoco pa gobierno.
Ya caba na luna di Juli ultimo, Parlamento a baha cu ‘reces’
mescos cu a pasa cu e departamento di husticia caminda
nan ta bay cu vacacion den mesun periodo cu scolnan tin
‘schoolvakantie’ grandi cual tabata for di dia 10 di Juli te cu
dia 16 di Augustus di 2023.
E siman aki ningun departamento di gobierno fuera di
maestronan, tin regla cu e departamentonan aki tambe tin
cu baha cu vacacion ya cu no e periodo cu nan mester bay
cu vacacion.
Loke ta haci e situacion ainda mas cuestionabel, ta e hecho
cu na luna di December venidero, tanto Parlamento como
Gobierno lo baha cu ‘reces’ di fin di aña cual ta programa pa
e fecha di 20 December y esaki lo termina pa dia 8 di Januari
di 2024.
Cu otro palabra Parlamento di Aruba practicamente tin tres
‘reces’ di cual dos ta oficial cu ta regla mientras cu esun di
e siman aki no ta oficial y caminda pueblo a spera cu tanto
Parlamento como mandatarionan, lo sigui traha normal.
Cu tin trabou y asuntonan cu tin cu wordo atendi ta un
hecho cu ningun hende por nenga pero asina mes por bisa
cu practicamente un mayoria di miembronan di Parlamento,
a biaha pa exterior of a bay hospeda cu famia den un of otro
hotel local.
Gobierno no a keda leu ya cu varios miembro di Conseho di
Minister di Gabinete Wever Croes II, ta den exterior e siman
Diaranson, 4 October 2023
aki mientras cu gobierno mes ta mustra continuamente cu
retonan grandi pa atende pa e pais.
Tin un situacion cu Hulanda caminda mester bin claridad
ainda ariba, esta kico gobierno di Prome Minister Evelyn
Wever Croes lo bay haci cu e asunto di ‘coronalening’ caminda
for di Den Haag ta wordo exigi pa Parlamento aproba un ley
pa introduci e ley di supervision di RAft.
Ainda no a atende cu e asunto di helicopter den un debido
forma pa kita tur duda cu por tin por lo por bay tin relaciona
cu e asunto di traficacion di droga pa un di e doñonan di
e compania cu tin contract cu gobierno di Aruba pa loke a
huurmento di e aparato menciona.
Tin otro asuntonan di vital importancia entre otro e asunto
di KIA caminda ainda gobierno no ta bisando kico lo bay
haci pa atende e plan pa construccion di un prizon nobo y
tambe tin e problema ainda di coriente cu ta sigui cay afo
lagando hopi cas desampara.
Pues Parlamento sin duda tin trabou pa haci pero segun
informacionnan cu AWEMainta a ricibi, ta e hecho cu
Presidente di Parlamento, Edgard Vrolijk ta cu vacacion den
exterior loke ta nifica cu no por yama reunion si tin peticion
pa esaki, ya cu dos fraccionnan cu ta sostene gobierno, lo
no tin quorum.
E desaroyo aki no ta un indicacion di seriedad cu mester
tin tanto den Parlamento como den seno di gobierno ya cu
loke a bin ta pasando principalmente den e prome 9 luna di
2023, ta mustra cu lo tin un competencia, of pustamento
entre Ministernan di Gabinete Wever Croes kendenan ta
logra acumula mas tanto “miles” pa asina por haya bene-
ficio pa sigui biaha den futuro.
Pues Parlamento no tin ‘reces’ pero e edificio ta mustra hopi
bandona y sin presencia di miembronan di parlamento kend-
enan tin cu raporta pa sirbi interes di pueblo.