Page 22 - AWEMAINTA

22 AWEMainta Diaranson, 16 Mei 2018

Den temporada di reproduccion di turtuga

Ta suplica comunidad

pa tene cuenta ora cu

ta haci uzo di beachnan

Nos como comunidad conhuntamente ta responsabel

pa proteccion di nos animalnan y medio ambiente

ACTUALMENTE nos ta den temporada di reproduccion di turtuga.
Aruba ta un isla cu ta contribui grandemente den reproduccion di turtu-

ganan cu ta den e area aki pa hopi aña caba. Na mes momento nos ta un
Pais cu a conoce desaroyo grandi unda cu poco biaha a tene cuenta cu e

necesidad importante aki di contribui na nivel global den e aspecto aki.
Hopi biaha a djis construi hotel y a traha condominium y kioskonan cu
ta crea un problema pa e reproduccion aki por tuma luga na un forma re-

sponsabel. Sinembargo, e maneho aworaki di Ministerio encarga cu Infra-
structura y Medio Ambiente ta pa crea un balansa real entre un desaroyo
economico structural y proteccion di nos medio ambiente. Pa e motibo

aki entre otro, por a tuma nota di cu siman pasa a lansa un campaña
hunto cu e fundacion tambe pa por evita criticanan cu a yega via website
di InfrAruba, pa cual ta gradici colaboracion di comunidad pa esey.

Minister Otmar Oduber ta enfatisa: ‘Kier recorda cu tin un Landsbesluit a
base di e landverordening openbaare water en stranden y den su articulo

25 ta prohibi den e caso aki vehiculonan (auto, bicicleta y tur vehiculonan
cu no tin uitzondering di Gobierno cual ningun na e momentonan aki
tin uitzondering) pa core riba nos beachnan. Cu excepcion di cu si polis

mester patruya eyriba of brandweer mester yega pa cierto motibo. Ningun
auto ta wordo permiti riba nos beachnan akinan na Aruba’.

A pidi Task Force City Inspector pa percura pa un control mas severo
tuma luga riba e maneho di vehiculo riba nos beachnan. Varios persona
y organisacionan a purba di haci accionnan manera e ‘blauwe blokken’,

cual ta di admira den transcurso di añanan, sinembargo ta importante pa
e conscientisacion sigui por medio di medionan di comunicacion/prensa

pa informacion di e importancia cu comunidad tin pa cuida nos medio
ambiente y e turtuganan den e caso specifico aki, yega na mas tanto per-
sona cu ta posibel, Minister Oduber a termina bisando.