Page 5 - HOH
P. 5
Dialuna, 30 December 2024 AWEMainta LOCAL 7
Fundacion Ultimo Deseo Aruba deseando
un Feliz Aña Nobo yena di salud y speransa
FUNDACION Ultimo Deseo Aruba (FUDA) ta extende su miho deseonan
pa henter e comunidad di Aruba p'e tin un Aña Nobo yena di felic-
idad, salud y speransa. Cu e mirada poni riba 2025, FUDA ta reafirma
su compromiso pa cumpli, sin costo algun, cu e ultimo deseonan di e
personanan den condicion terminal.
Desde su fundacion, FUDA a traha cu dedicacion pa brinda momento
di alegria y consuelo na esunnan cu ta enfrenta circunstancia dificil. E
deseonan aki, cu por parce chikito pa algunm tin un impacto significa-
tivo den bida di esunnan cu ta ricibie y di nan sernan stima, yudando nan
crea recuerdo inborabel.
Si bo conoce un hende cu tin un ultimo deseo, FUDA ta invita bo actua
como brug di speransa. Completa e formulario di solicitud disponibel
riba su webpage oficial, www.fuda-aruba.com y permiti p'e organisacion
noble aki yuda realisa e soño special ey.
E compromiso di FUDA cu e comunidad di Aruba no lo ta posibel sin e
sosten di su boluntario y e colaboradornan, kendenan ta contribui pa
cada deseo cumpli, ta un experiencia unico y memorabel. E aña nobo
aki, FUDA ta reafirma su mision di ilumina esunnan cu mas tin mester, cu
e speransa cu 2025 ta un aña di solidaridad y amor comparti.
