Page 41 - FUND LOTTO
P. 41
keda nomina pa e federacion mundial di taekwondo, WT den e categoria Miho Referee
Masculino pa e anja 2017.
Den un anochi super grandi y di gala, Grand Master Cornelio hunto
cu 3 otro candidatonan rond mundo a keda nomina. Mester bisa cu durante di e
magno evento e federacion mundial a escohe den forma unanime pa e miho referee,
miho atleta, miho scop, miho dirigente y e miho federacion di Taekwondo
mundialmente. Grand Master Cornelio tabata nomina hunto cu Francia, Lebanon y
Belgica unda su representante a lo largo a bay cu e premio maximo como e miho referee.
No obstante cu sr. Cornelio no a logra e premio maximo sigur e tabata un honor di a
wordo nomina pa e federacion mundial di taekwondo, WT pa un prestigioso premio.
Pa taekwondo y Aruba sin duda esaki ta un logro super grandi mirando e magnitud di e
deporte den e otro paisnan menciona si nos compara esaki cu Aruba. Un bes mas a keda
demostra cu maske nos ta un pais chikito, nos hendenan den deporte ta sobresali tur
caminda cu nos bay. Manera Grand Master Chaco Cornelio yega di bisa varios biaha den
pasado; “Ora mi bay den exterior ta Aruba mi ta representa paso ta e nomber di nos dushi
isla bo ta tende cada bes cu nan menciona mi nomber”.
