Page 9 - FUND LOTTO

deporte Diamars 12 December 2017
A19

En conexion cu Campeonato di Ranking Nacional di Taekwondo

Seleccion di Taekwondo a sali rumbo pa Colombia

ORANJESTAD - Den weekend cu a pasa e seleccion den e deporte di Taekwondo a biaha pa
Colombia bou liderazgo di coach Teo Rodriguez. E seleccion lo atende un campo di entre-
namento. Esaki nan ta laga sa den un relato.

Pa un siman largo e seleccion ta na Sagomosa, hunto cu e seleccion Colombiano di taekwon-
do. Despues lo sigui cu e campeonato ranking nacional di Taekwondo di Colombia unda mas
cu 1000 competido di henter Colombia lo participa.
Segun coach Rodriquez: “Nos a haya e oportunidad cu e seleccion di Taekwondo pa atende
un campo di entrenamento y alabes participa na e campeonato nacional di taekwondo di Co-
lombia cu 6 atleta di nos seleccion. Nos atletanan ta preparando pa diferente competencia e
proximo aña manera e US Open na Januari, como tambe ta buscando un of mas clasificacion
den otro torneonan grandi.”
“Un atleta lo busca su clasificacion Olimpico, mientras Monica Pimentel lo trata na clasifica
pa e Weganan CAC di Barranquilla, Colombia. Nos a haya e oportunidad di entrena y pre-
para nos atletanan cu e seleccion Colombiano cual sigur ta un oportunidad unico. E nivel di
e Taekwondo di Colombia ta uno mundial y di nivel super halto. Pa nos atletanan esaki ta un
oportunidad unico mirando cu nan lo haya por lo menos 15 combate pa bringa y e lo entrena
por lo menos 2 a 3 ora y dos bes pa dia. E obhetivo cu a logra cu e atleta Chiara Petrocchi na
Chile su inicio tabata na e campo di entrenamento na Colombia, pues e oportunidad aki nos
no por perde.”
E seleccion nacional di taekwondo ta consisti di e atletanan Jourde Klaber, Charrick Win-
terdaal, Chiara Petrocchi, Hakeem Lowe y e atleta Olimpico Monica Pimentel. Presente na
e despedida di e seleccion nacional di taekwondo, tabata director di St. Fundacion Lotto pa
Deporte, Di Stefano Wernet y presidente di Aruba Taekwondo Bond, Guaicaipuro Jimenez.