Page 26 - Awe Mainta

26 AWEMainta Dialuna, 02 November 2015

Aruba Table Tennis
Association

a tene
competencia

di ranking
den luna di

october

DESPUES di e exitoso Dutch

Caribbean Championship unda
nos atletanan di tenis di mesa a
conkista cu mayoria di e premionan,
e hungadornan no tabatin un
descanso unda nan a bataya pa e
ranking di luna di october. Cada
luna e competencia di ranking ta
wordo teni y esaki tin su acogida den
tur categoria. E competencianan ta
fuerte den e categorianan Infantil,
Hubenil, Senioren y Masters.

Mester bisa cu tur wega ta importante
mirando cu ta hunga a base di
puntuacion cu a lo largo ta defini
e ranking di tur luna. Aki cada
hungador por mira riba cua posicion
e ta y mas cu claro ta pa cada atleta
importante pa sa si tin un progreso
di nan propio wega hunga. Pa loke
t’e ranking di luna di october nos tin
e siguiente resultadonan.

Den e categoria U-10, prome lugar a
bay pa Jermaine Ras di dos lugar pa
Jean Mark Hernandis y di tres lugar
pa Kayle Hughes; den U-13 e prome
lugar a bay pa Ching Ho Chung y di
dos lugar pa Robert Dirksen y di tres
lugar a bay pa Bob Chung. Den U-18,
e prome lugar a bay pa Zhao Xie, e di
dos lugar a bay pa Jeandry Mathilda
y di tres lugar pa Alan Croes. Den e
categoria di B-klas, nos a haya na
prome lugar Franklin Lopes, na di
dos lugar Alfred Leong y na di tres
lugar a keda Chin Ho Chung. Por
ultimo den A – klas, e prome lugar
a bay pa Mario Lobo, e di dos lugar
pa Andy Gomes y e di tres lugar pa
Jeandry Mathilda.

Un danki sigur na Comision di
Subsidio cu a subsidia e competencia
di ranking di Aruba Table Tennis
Association.