Page 4 - AM230807

4 LOCAL AWEMainta Dialuna, 7 Augustus 2023

Joran van der Sloot

“Mi ta kere cu nunca mas mi ta sali di prizon”

oran van der Sloot ta kere cu nunca mas
Je ta sali liber. Esey ta loke el a bisa den un
entrevista cu De Telegraaf. “Pa ta honesto, mi

ta kere cu nunca mas mi sali liber. Mi debe tur
esey na mi mes,” e principal sospechoso Hu-
landes a bisa den e caso di e desaparicion di
e Mericano Natalee Holloway.

Van der Sloot, di 35 aña, ta desde juni den
un prizon di siguridad maximo den e estado
Mericano di Alabama. Na Peru ya e tabata

cumpliendo un condena di 28 aña di prizon
p’e asesinato di Stephany Flores na 2010.

Peru a extradit’e pa Merca pasobra den e pais

aki ta acus’e di fraude y extorsion n’e famia
di Holloway. El a disparce na Aruba na 2005.
Nunca mas a haya su curpa.

Segun De Telegraaf, husticia di Alabama ta
negoshando cu e abogadonan di Van der Sloot
pa yega na un acuerdo den e caso Holloway.
A cambio di un reduccion di e pena, Van der

Sloot lo mester declara den e caso Holloway.

E Hulandes a bisa cu e ta spera di por bay
Peru pronto. “Mi abogadonan ta papiando cu

e fiscal riba loke lo sosode siguientemente. Mi
ta spera cu tur cos resolve pronto y cu mi por
bay bek Peru.”

E condicionnan den e prizon di Challapalca
tampoco ta agradabel, pero eynan mi no ta
asina aisla manera aki y por lo menos mi ta un
poco mas cerca di mi yiu muhe chikito Dushi y

di su mama Leidy,” Van der Sloot a bisa.

E corant a papia cu Van der Sloot den un
video conferencia for di e prizon di e estado

Mericano di Alabama, unda cu e Hulandes di
35 aña ta deteni for di juni.